Diyarname

Bi erêkirina fermî ya hikumeta Rusyayê weşanxaneyek bi navê Medniy Vsadnik salnameya ji fotoyên Serokdewletê Rusyayê Vladimir Putin weşand.

Salnameya sala 2018'an ku ji 12 rûpelan pêk tê her rûpelek ji bo mehek hatiye veqetandin û di her rûpelê de wêneyek Putin hatiye bi cih kirin.

Weşanxaneya ku navenda wê li St. Petersburgê ye tenê 6 hezar heb ji salnameyê çap kiriye û bi ser înternetê re heba wê li dor 12-15 dolarî difroşe.
Ji wêneyên Putin 12 heb hatine neqandin; Dema judo dike, dema li keştiya şer li behrê mêze dike, dema li avahiya NY'ê (Neteweyên Yekbûyî) diaxive, dema pisîk di hembêzê de û hwd hatine hilbijartin.