Diyarname
Kovara amerîkî Time her sal "Şexsiyeta/ê Salê" hildibijêre. Edîtorên kovarê ji aliyên baş û xirabê meseleyê ve digirin dest û li gor wê biryarê didin. Time îsal jinên ku di tora civakî de bi etîketa #MeToo (Ez jî) qala tacîzên cinsî yên li hemberî wan hatin kirin kiribûn hilbijart.
Time wêneyê wan di berga xwe de weşand û gotina "Yên ku bêdengî ji holê rakirin" bikar anî. Kovarê sedema hilbijartina wan wisa anî ziman: "Jin li hemberî tazîca cinsî bêdeng neman, di demek kurt de bû sedema 'şoreşek' çandî."
Gelek lîstikvanên jin gotibûn ku li Hollywoodê sazkarê fîlman Harvey Weinstein ew tacîz kirine. Piştî vê yekê li tora civakî etîketa #MeToo hatibû vekirin û gelek jinan qala tacîzan kiribû. Ev wisa berfireh bûbû ku ji çapemenî heta siyaset, heta cîhana karsazan gelek jinên tên nasîn qala tacîza li hemberî xwe kiribû. Time ev yek wekî "Şexsiyeta/ê Salê" hilbijart. Ji bo vê bergek taybet saz kir û di bergê de lîstikvan Ahsley Judd, stranbêj Taylor Swift, Susan Fowler û xebatkareke berê ya kompaniya Uber cih girt ku van jî qala tacîza li hemberî xwe kiribûn.
Kovara Time ji sala 1927'an ve kesek hildibijêre. Kovarê pak Serokdewletê DYA'yê Donald Trmup hilbijartibû.
**
Li ser salê nûçeyên bi vî rengî:
- 2017: Modela herî zêde pere kar kir diyar bû
- 2017: Li Tirkiyeyê azadiya fikir û ramanê
- 2017: Vaye lîsteya bajarên ku herî zêde/hindik pirtûkan dixwînin