OSLO
Enstîtuya Nobelê diyar kir ku wan îsal lêkolînerên amerîkî James Rothman û Randy Schekman û lêkolînerê alman Thomas Sudhof ji bo Xelata Tibê ya Nobelê guncan dîtine.
Komîteya Nobelê diyar kir ku ji ber kefşên wan ên li ser "sîstema veguhestinê ya li nava hucreyê, ku molekûlan ji nava hucreyê di dema rast de dibe cihê rast" daye her sê lêkolîneran.
James Rothman di sala 1950 de li Haverhîll a eyaleta Massachûsetts a DYA'yê hatiye dinayayê, li Zanîngeha Stanford a Kalîforyayê perwerde dîtiye û piştî lêkolînên xwe temam kiriye, di sala 2008'an de derbasî Zanîngeha Yale bûye.
Randy Schekman li St. Paûl a Mînnesota'yê di sala 1948'an de hatiye dinyayê, li gel James Rothman li Stanfordê xebitî, îro jî li Berkeley xebatên xwe dewam dike.
Thomas Sudhof ê alman jî di sala 1955'an de li Gottîngehê hatiye dinyayê û kariyera xwe ya lêkolînê bi giranî li Dewletên Yekbûyî yên Amerîka (DYi) kiriye.
Xelata Tibê ya Nobelê di sala 2012'yan de dabûn biyolîstê îngilîz Hohn B. Gurdon û lêkolînerê japon doktor Shînya Yamanaka.