Diyarname
Erol Mintaş bi fîlmê xwe "Klama Dayika Min" hatibû nasîn, niha bi fîlmê xwe yê nû "Strana Axê" derdikeve pêşberî temaşevanan. Fîlm di çarçoveya Festîvala Fîlman a Stenbolê de wê bê nîşandayîn
Fîlmê "Strana Axê" çîroka heqîqetê, xwedîtin, efûkirinê; çîroka razên ku we ji kesên herî nêzî xwe jî veşartine dike. Li Finlandiyayê jineke bi eslê xwe kurd dema li ser dîroka xwe lêkolînê dike, derdikeve holê ku nasname û aîdiyetên wê têkilhev in.
Derhêner Erol Minta li ser fîlmî wisa dibêje, "Di vî fîlmî de em çîrok û hîkayeyên kurdan ên li diyasporayê yên nehatine vegotin tînim ziman û vê çîrokê jî didema felaketên hawirê diqewimin, di serdemeke ku hesta 'dinya mehf bûye' bi me re heye de nişan didim. Bi vî awayî dikarin vê pirsê jî bikim: Di dema ku dawiya dinyayê tê de heqîqet çiqas girîng e?"
Fîlmê bi kurdî, tirkî, swêdê, fînî û îngilîzî 118 deqîqe ye. Di fîlm de Dilan Gwyn, Feyyaz Duman, Zenan Tunc, Ali Seçkiner Alici dilîzin.
Fîlm wê 16'ê mehê (saet 21.30, Cinewam City's 3), 17'ê mehê (saet 13.30, Sinemaya Beyoglu) û 18'ê mehê (saet 19.00, Sinemaya Kadikoy) bê nîşandayîn.
*******************************************************
ÇAYEK BO DIYARNAMEYÊ:
LÎNKA
Kreosus.com'ê bitikînin
LÎNKA
Patreon'ê bitikînin
*******************************************************
Nûçeyên Eleqedar:
- Festîvalê derî vekir: 10 roj wê şahiya fîlman li dar be
- 10 kurtefîlmên pêşbaziyê, 3 jê bi kurdî
- Didu jê bi kurdî, 22 belgefîlm tên
- Amadehî temam bûn: 140 fîlm tên
- Fîlmên xelatgir têne festîvalê
- Festîvala Fîlman a Stenbolê beşek ji fîlman eşkere kirin
- Projeyên ji bo ‘Koprude Buluşmalar’ hatin hilbijartin diyar bûn
- Festîvalê ‘Aci Hayat’ restore kir û wê nîşan bide
VÎDEOYEK:
***
KANALA YOUTUBE YA DIYARNAMEYÊ
