Diyarname
Pirtûkeke nû ya helbestan a helbestvan Yehya Omerî bi navê “Kokteylek Seba Ez û Hûn Wiha” ji Weşanên Pallê derket.

Helbestvan Yehya Omerî di sala 1993’yan de li gundê Êlaskaya Dêrika Çiyayê Mazî hatine dinê. Di sala 2017’an de li Zanîngeha Yuzuncu Yila Wanê beşa mamostetiya Ziman û Edebiyata Tirkî qedandiye. Di sala 2020’î de li heman zanîngehê di beşa Ziman û Çanda Kurdî de lîsansa bilind qedandiye. Di sala 2015’an de dosyaya wî ya “Anatomiya Demsalên Zer” di Pêşbaziya Helbestê ya Arjen Arî de bi ser ketiye. Ev dosyaya wî di sala 2015’an de ji Weşanên Evrenselê derket.
Dûre wî pirtûkek bi navê “Nêrgiza li Defterê Bişkivî” nivîsand û di sala 2021’ê de ji Weşanên Avestayê derket. Û niha, piştî pênc salan ew bi pirtûka xw e ya nû “Kokteylek Seba Ez û Hûn Wiha” li pêşberî xwendevanan e.
Omerî ku di heman deme de yek ji amadekarê kovara Bar Helbestê ye, heta niha hin helbestên wî hatine xwendin û bûne stran. 
Di pirtûka li ber dest de 42 helbest cih girtine.
Çarînek jê:
tarîx seydayekî baş e seba em kurên çak bin
xasûk, xayis û guhnedêr caran
wiha hatin em, zarê kurdan
siwarên beyt kardayê, lîrîk û şidiyayî her
 
wiha tim, evîndar, rûken û beza
 

- Kokteylek Seba Ez û Hûn Wiha / Yehya Omerî / Pall / 88 rûpel / 2026 / Helbest