Diyarname
45'emîn Festîvala Fîlman a Stenbolê bi merasimek dest pê kir. Festîval heta 19'ê mehê dê bidome.
Ji bo destpêkirina festîvalê li Qesra Pêşangeh û Kongreyê ya Lutfi Kirdarê merasim li dar ket. Merasima ku Onur Ozaydin pêşkêşvaniya wê kir, Xelata Rûmetê ya Sînemayê dan lîstikvan Nilufer Aydan. Lîstikvan Nur Surer xelat pêşkêşî Aydan kir.
Aydan di dema xelatgirtinê de got, "Gotina Ataturk heye, 'Li welat aştî, li dinyayê aştî', bila aştî bê. Li Sîlîvriyê girtî hene. Bila yên li Sîlîvriyê bên berdan."
Heman xelat dan derhênerê belgefîlman ê efsanewî Gianfranco Rosi. Dîrektorê festîvalê Kerem Ayan xelat pêşkêşî Rosî kir.
Li aliyê din Xelata Kedê ya Sînemayê dan xebatkara festîvalê Nuray Muştu. Muştu ev 40 sal in ji bo festîvalê dixebite. Ji dîrektorên berê yên festîvalê Hulya Uçansu û Azize Tan bi hev re xelat dan Muştu.
'UÇ VEDA' HAT NÎŞANDAYÎN
Piştî merasimê fîlmê derhêner Isabel Coixet ê bi navê "THREE GOODBYES" (Uç Veda / Sê Xatirxwestin) wekî fîlmê destpêkirina festîvalê hat nîşandayîn. Lîstikvan Alba Rohrwacher û Elio Germano serlîstikvaniya fîlmî dikin.
Va ne hin agahiyên kurt li ser festîvalê:
- Di navbera 9-19'ê mehê fîlm têne nîşandayîn.
- Bi giştî 127 fîlmên metrajdirêj û belgefîlm hene. 13 heb jî kurtefîlm hene ku dê bêne nîşandayîn.
- Di beşa Pêşbaziya Laleya Zêrîn, Pêşbaziya Kurtefîlman û Pêşbaziya Belgefîlman de fîlm dikevin qayişkêşanê. Yên bi ser bikevin 17'ê mehê bi merasimek dê bêne xelatkirin.
- Li Beyogluyê li salonên Atlas 1948 û Sînemaya Beyoulu; Li Şîşliyê li CineWAM Premium+ City's Nişantaşi (Salon 3 û Salon 7), li Kadikoyê; Li Sinemaya Kadikoy Sinematek/Sînemaevî ya Şaredariya Kadikoy û li Paribu Cineverse Nautilusê fîlm têne nîşandayîn.
- Di çarçoveya festîvalê de li Borusan Muzik Evî pêşangeha wêneyan bi navê "Fîlm Gibi Şehîr" (Bajarê Wekî Fîlman) li dar e. Pêşangeh her roj di navsera saet 09.00 - 18.00'an de heta 17'ê meh3e vekiriye.
- Nava hefteyê bilêtên seansên bi roj ji bo xwendekaran bi buhaya erzan, bi 50 TL'yî ne.
***
Nûçeyên Eleqedar:
- 10 kurtefîlmên pêşbaziyê, 3 jê bi kurdî
- Didu jê bi kurdî, 22 belgefîlm tên
- Amadehî temam bûn: 140 fîlm tên
- Fîlmên xelatgir têne festîvalê
- Festîvala Fîlman a Stenbolê beşek ji fîlman eşkere kirin
- Projeyên ji bo ‘Koprude Buluşmalar’ hatin hilbijartin diyar bûn
- Festîvalê ‘Aci Hayat’ restore kir û wê nîşan bide
***
KANALA YOUTUBE YA DIYARNAMEYÊ
