Diyarname
Festîvala Fîlman a Stenbolê her sal fîlmekî kevn ê tirkî restore dike û di çarçoveya festîvalê de nîşan dide. Festîvalê îsal fîlmê Metin Erksan ê bi navê “Aci Hayat” restore kir û wê nîşan bide. Festîvalê ligel hevkariya Zurich Sîgorta Tirkiye fîlm restore kiriye.

Derhêner Metin Erksan di sala 1962’yan de “Aci Hayat” (Jiyana Biêş) kişandibû. Di fîlm de  Turkan Şoray, Nebahat Çehre, Ayhan Işik û Ekrem Bora dilîzin.Di fîlm de çîrokeke xurt a evînî heye. Çîroka qeynaxçêker Mehmet û menîkurkar Nermînê, bi vê re hêza pereyê û daxwaza guherandina çînê derdikeve holê. Nermin ji bo jiyaneke dewlemend Mehmetî terk dike, Mehmet bi bilêteke piyangoyê dê bibe dewlemend û tolê ji hezkiriya xwe bigire. Fîlm wê ber bi trajediyê ve here.

Lîstikvan Turkan Şoray bi rola di fîlmê de li Festîvala Fîlman a Porteqala Zêrîn a Antalyayê xelata Lîstikvana Herî Serketî girt. Her ku Nebahat Çehre ye bi rola di fîlm de li nav sînemaya Tirkiyeyê cihek girîng girt. Her du lîstikvanan jî di demên borî de ji Festîvala Fîlman a Stenbolê Xelata Rûmetê girtin. Niha fîlmên wan di festîvala îsal de bi awayê nûkirî bê nîşandayîn.

Festîvalê berê ev fîlm restore kiribûn û nîşan dabûn: Fîlmê Bilge Olgaç “İpekçe” (2018),ê Şerif Goren “On Kadin” (2019), ê Atif Yilmaz “Asiye Nasil Kurtulur” (2020-2021),ê Cahide Sonku, Orhon Murat Ariburnu, Sami Ayanoglu “Beklenen Şarki” (2022), ê Metin Erksan “Kadin Hamlet” (2023), ê Atif Yilmaz “Hayallerim, Aşkim ve Sen” (2024) û ê Omer Kavur “Amansiz Yol” (2025),

***

Nûçeya Eleqedar:

- Festîval li benda fîlman e