__Cemil Oguz__
41'emîn Fûara Pirtûkan a Navneteweyî ya Stenbolê TUYAP îro bi merasimek li dar ket. Serokê TYB'ê (Yekîtiya Weşangerên Tirkiyeyê) Kenan Kocaturk got, "Em zarokan binîn fûarê. Bila ew bi xwe pirtûkan hilbijêrin."
Fûara pirtûkan heta 10'ê mehê dê bidome. Pêşî Midûrê TUYAP'ê Îlhan Ersozlu axivî, li ser naveroka fûarê agahî dan.
TELÎF LI SER HIŞÊ ÇÊKIRÎ
Dûre Serokê TYB'ê  Kenan Kocaturk axivî. Kocaturk diyar kir ku di salek de li gor dovîzê sedî 84 mesref bilind bûye, lê li gor vê yekê dîsa jî sedî 15 buhayê pirtûka daketiye. Kocaturk paşê gotin anî ser hişê çêkirî û got, "Ji aliyê hişê çêkirî ve fêdeyên wê û tehdîdên wê hene. Li Yekîtiya Ewropayê li ser hişê çêkirî ji bo telîhê zagon derxistin. Em jî gere ser vê yekê zagonan derxin. Yan na ev yek ji aliyê telîfê ve ji bo weşangeran dê bibe tehdîd."
'TIRKIYE LI NAV OECD DI ASTA JÊRÎN DE YE'
Kocaturk diyar kir ku li welatên OECD di warê "dema dixwînin çiqas têdigihên" de Tirkiye di Rêza 39'an de ye ku ev rêzên jêrîn in û got, "Di vî warî de gelek bar dikeve ser milên me. Ji bo fêmkirinê amûra herî sereke jî pirtûk e. Şaredariya Bajarê Mezin a Stenbolê di warê pirtûkxaneyan û pirtûkan de piştgirî dide, em sipasiya wan dikin. Gere Wezareta Çandê jî butçeya ji bo pirtûkan zede bike, gel bigihîne pirtûkan. Gere em rapora OECD bigirin ber xwe û bifikirin."
'LI TIRKIYEYÊ HÊ JÎ PIRTÛK TÊNE QEDEXEKIRIN'
Serokê TYB'ê li ser Xala 18'an a Danezana Mafên Mirovan a Gerdûnî sekinî û got, "Di vê xalê de beşa azadiya fikir û ramanê gelek girîng e. Li Tirkiyeyê qedexeya pirtûkan a ji serdema derbeyan ma ye hê didome. Gere ev biguhere, nebe sedem ku weşanger bi xwe pêdivî bi otosansurê neminin."
Ji ber ku îsal mijara bingehîn a fûarê zarok e, gotin anî ser wir û got, "Di hilbijartina pirtûkan de zarokan azad bihêlin. Gere em zarokan bînin fûarê, em vê yekê teşwîq bikin."
'PIRTÛK DINYAYÊ BI RÊ VE DIBIN'
Seroke Lijneya Şêwrê ya TUYAP'ê Dogan Hizlan jî got ku ji ber ev 41 sal in ew şahidiya fûarê dike hezkirina zarokî pere heye. Hizman dûre mesele anî ser hişê çêkirî û got, "Niha xizmeta înternetê, hişê çêkirî heye lê ger agahî negihîştibe ser kaxiz di wê de gelek şaş ihene. Ji ber vê yekê pirtûk her rastiyê nîşanî me didin. Pirtûk dinyayê bi rê ve dibin, agahiyên din hundirê wan de bi rê ve dibin. Em niha hatina bihuşta zanînê. Ez sipasiya her kesê ked dane dikim." 
'ZAROKAN AZAD BIHÊLIN LÊ BIŞOPÎNIN'
Piştre mêvanê rûmetê nivîskar Yalvaç Ural axivî. Ural ku nivîskarê zarokan e li ser talûkeyên lîstikên zarokan ên di sanalê de axivî û dûre got, "Zarokan azad bihêlin lê wan bişopînin. Nebêjin min ev pirtûk xwendibû pir jê hez kiribû, berdin bila ew hilbijêrin. Zarok bi saetan di sanalê de lîstikê dilîzin. Fêdeya vê yeke tüne ye. Zarokê ku di sanaLê de be, li lîstikên şer, şîdet, xirecir, aksiyonê her temaşe bike ew zarok pirtûkê naxwîne."
BAJARÊ DOSTANE YÊ ZAROKAN
Şaredarê Bajarê Mezin a Stebolê Ekrem Îmamoglu jî di axaftina xwe de got ku wextê ku li vê derê bê xerckirin gelek tiştî bi mirov dide qezenckirin û paşê qala plana wan a bajarê dostanê zarokan kir.
Îmamoglu got ku ew di nav wê hewlê de ne ku ji bo perwerdehiyê firsenda wekhev ji bo zarokan çêbikin, ji bo perwerdehiya wan, ji bo qadek kesk ji bo wan dixebitin.
Şaredarê Stenbolê qala pirtûkxaneyên ku heta niha vekirine jî kir û got ku niha li 71 cihê pirtûkxaneyên me yên gel hene, di 5 salan de me hejmara pirtûkxaneyên xwe derxist çar qatî.
WEŞANXANEYÊN KURDAN
Di fûara îsal ji weşanxaneyên kurdan tenê Nûbiharê stand vekiriye. Nûbihar bi pirtûkên xwe yên nû, bi nivîskar^ne xwe li fûrê ye. 
Ji weqfên kurdan jî Weqfa Îsmaîl Beşîkçî li fûarê stand vekiriye.
 

Nûçeyên Eleqedar:

- Kurd îsal di Fûara Stenbolê de çi dikin? 

- Mijara Fûara Pirtûkan a Stenbolê 'Zarokatî Şahî ye!'

**

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.

 

***

"3 Deqe ligel Cemil Oguz"

Parve Bike