Diyarname
Li Stenbol, Amed, Wan, Batman û Îzmîrê vê şemiyê gelek çalikiyên hunerî hene. Ji wan hin me ji bo we neqandin.
Fermo:

**STENBOL:

Panela Heskîfê

Li TMMOB'ê li ser Heskîfê bi navê "Di çarçoveya xirakirin û Têkoşînê de Panela Heskîfê" panelek li dar dikeve. 14'ê mehê saet 14'an de li TMMOB'a Karakoya Stenbolê (Kemankeş Cad. No 31 Karakoy) li dar dikeve.

Piştî panelê saet 16.30 de jî dê forûmek di heman çarçoveyê de li dar bikeve.

Pêşangeha Ahmet Guneştekîn

Pêşangeha Ahmet Guneştekîn a bi navê "Odeya Bîrê" ku li Galireya Pilevneli ya li Mecîdiyekoya Stenbolê 6'ê mehê vebû didome. Roja şemiyê saet di navbera 15.00-17.00'an de Guneştekîn bi xwe dê li pêşangehê be û bersiva pirsên mêvanan bide.

Kokteyla Kurt-Kavê

Kurt-Kav (Weqfa Lêkolîn û Çanda Kurd) avahiya xwe ji nû ve restore kir û bi şiklê nû ji bo sala nû xwe amade bike. Ji bo vê yekê û ji bo ka di sala nû de zêdetir xebatê bidin ser çi kokteyl û sohbetek tê li dar xistin. Ev xebata Kurt-Kavê roja şemî saet 16'an de ye.

Mem Med li Medyayê ye

Nivîskar Mem Med bi du pirtûkên xwe li Pirtûkxaneya Medyayê ye. Med saet 14'an de dê pirtûkên xwe ji bo xwendevanan îmze bike.

**AMED:
Lîstika Shakespeare

Li Amedê li Şanoya Bajêr a Amedê lîstika William Shakespeare "Xewna Şeveke Havînê" tê lîstin. Lîstik saet 19.30 de li Şanoya Bajêr a li Galerîayê ye.

Panela "Maf û Edaletê"

Komeleya Hiqûqnasên ji bo Azadiyê (OHD), panela bi navê "Maf û Edalet" li dar dixe. Panel, li New Garden Otel a Yenîşehîra Amedê saet 11'an de dest pê dike. Di panelê de  wê derbarê tecrîd, maf, edalet û travmayên ji ber şer û pevçûnan çêbûne de panela axaftin bêne kirin.

**WAN:
Sohbetek ligel Aykol 

Li Wanê rojnameger Huseyîn Aykol bi çalakiya gotûbêj û îmzeyê li pêşberî xwendevanên xwe ye. Çalakî 14'ê mehê saet 14'an de li Lîlav Kîtapevî ye.

**BATMAN:

Kurtefîlm hene

Şaredariya Batmanê, Akademiya Sînema ya Rojhilata Navîn û Kolektîfa Yenî Sînema bi hev re çalakiya nîşandayîna kurtefîlman saz dikin. Di çalakiya ku bi navê "Şeva Kurtefîlman" li dar dikeve de 7 kurtefîlm hene û ew dê 14'ê mehê saet 19.30 de li Navenda Çanda Ahmet Guneştekîn bêne nîşandayîn. Di bernameyê de ev kurtefîlm hene:

"Are you listening mother? (Dayê tu dibihîzî?), The Photograph, Di Împaratoriyê d Rojek Dijwar, Pace window, Navber, Haziıiîyek Bo Derengmayînê.

Temaşekirina kurtefîlman bê pere ye.

**ÎZMÎR:
Belgefîlm li benda temaşevanan in

Li Îzmîrê "Rojên Belgefîlman a Mafên Mirovan" didome. ÎSal 10'emîn car e  li Îzmîrê ji aliyê TÎHV'ê ve tê organîzekirin. Nîşandayîna belgefîlman li Navenda Çanda Fransiz û li Navenda Mîmarî ya Îzmîrê ye.