DiyarName.Com

Çend rojnamegerên kurd girtî ne? Va ye lîste

Diyarname

Komeleya Rojnamegerên Dîcle Firatê (DGF) ev 4 sal in hatiye avakirin. Komele li ser rojnamegeran her raporan amade dike. Niha jî (roja 4'ê mehê) rapora li ser sala 2023'yan belav kir. Li gor raporê 280 rojnameger 821 caran derketine pêşberî dadger. Li aliyê din 57 rojnameger girtî ne.

Va ne kîteyên ji raporê:

- Li gorî daxuyaniya Federasyona Rojnamegeran a Navneteweyî (IFJ) ya 31’ê berfanbara 2023’an, 11 jê jin 120 rojnameger û xebatkarên medyayê hatine kuştin. Federasyonê desnîşan kir ku îsal di giştiyê cîhanê de ji sedî 68’ê rojnamegeran li Gazzeyê hatine kuştin. Di şerê li Gazze'yê de 75 rojnamegerên Filistinî, 4’ê Îsraîlî û 3 jî Lubnanî hatin kuştin.

- Li Suriyeyê kuştina 3 rojnamegeran pêk hat.

- Edîtorê Ajansa Rojnewsê Rojnameger Silêman Ehmed 72 roj e ji aliyê asayîşa PDK’ê ve hatiye ravandin.

- Bi dehan rojnameger ji ber nûçeyên xwe yên li ser karesata erdhejê lêpirsînê re rû bi rû man. Di dema karesata erdhejê de rojnamegeriya ku li gor feyde û berjewendiyên civakê pêk dihat ji aliyê desthilatdariyê ve hat astengkirin.

- Di erdhejê de 25 xebatkarên çapameniyê canê xwe ji dest dan.

- Di çarçoveya lêpirsîna ku navenda xwe Amed bûn û di 8 Hazîran 2022’an de dest pê kir de 16 rojnamegerên kurd hatin girtin piştî 13 mehan ji girtîgehê hatin berdan.

- Di lêpirsîna 25’ê kewçêra 2022’an ku ji navenda Enqereyê dest pêkir û 9 rojnamegerên kurd bi zilmeke heman rengî hatin maxdurkirin. Di 25 û 29’ê Nisana 2023’an de jî bi du lêpirsînên din rojnamegerên hatin binçavkirin bi mehan di girtîgehê de hatin hiştin. Hevseroka me Dicle Muftioglu ku di nav wan de bûn hê jî di girtîgehê de ye û nehatiya berdan.

- Rojnamegeran di sala 2023’an de pirtirê mesaîya xwe li ber deriyê dadgehan û eywanên edliyeyan derbas kirine. Di nava salê de 280 rojnameger herî hindik 821 caran derketine pêşberî dadgehan.

- Li Tetwana Bedlîsê Sînan Aygunê ku rojnamegeriyê dike û angaştên gendeliyên şaredariyê eşkere kir, rastî êrişa polîsê parazvanê Şaredarê Tatwanê Emîn Geylanî û xebatkarê şaredariyê tê.

- 36 rojnamegerên rastî êrîşê hatin

- Bi ser mala 43 rojnamegeran de hat girtin

- 119 rojnameger hatin binçavkirin

- 36 rojnameger hatin girtin

- 64 rojnameger rastî muameleya xerab hatin

- 38 rojnameger rastî gefan û teklîfa sîxurtiyê hatin

- 110 rojnamger rastî astengiyê hatin ku nehiştine nûçeyan bişopînin

- 37 rojnamegeren girtî rastî binpêkirinan hatin

- Di çarçoveya azadiya raman û îfadeyê de 75 rojnameger rastî lêpirsînê hatin.

- Der barê 66 rojnamegeran de doz hate vekirin

- 44 rojnameger hatine cezakirin

- 48 sal û 9 meh û 14 roj cezayê girtîgehê li rojnamegran hat birîn.