Stenbol
Eutelsatê ji ser peyka xwe re weşana Roj TV rawestand, li bajarên kurdan jî hê sedem nayê zanîn lê kes nikare li Roj TV temaşe bike; ji ber ku dernakeve.

Roj TV li ser çend peykan re weşanad xew didomand. Eutelsatê biryar da ku Roj TV bi ser peyka wan re weşanê neke û weşana Roj TV ya di peyka xwe de rawestand. Eutelsatê bi vê yekê derbeyek li azadiya ramanê xist lê bi ser de jî ji peykên din jî xwest ku weşana Roj TV ew jî rawestînin. Eutelsatê got, "Ji bo em bi xebateke terorîze re ne di heman hevkariyê de bin me ev biryar girtiye" lê piştî bi dawîbûna doza Roj TV, parêzerên televîzyonê doz biriye dadgeha bilind û lewre doz jî bi dawî nebûye. Digel vê yekê peykê biryareke wisa girt.

Navenda Eutelsatê li Parîsa Fransayê ye.

Di vê navberê de li bajarên kurdan ên bakur, di serî de jî li Amedê, kes nikare li weşana Roj TV temaşe bike. Hê nayê zanîn sedem çi ye lê weşan hatiye qutkirin. Yên bixwazin dikarin ji ser înternetê re li Roj TV temaşe bikin: http://www.roj.tv/rojtv/tv.htm

Her wiha yên bixwazin dikarin li ser peya Eurobirdê jî li weşana Roj TV temaşe bikin. Ji bo vê vane frekans: EUROBIRD: 9.0°E
Frequency: 11843
POLARISATION: V
SYMBOLRATE: 27500