___Cemil Oguz___
Li nav kurdan pirsgirêkên jinan her hebûn, wisa dixuye dê her hebin jî. Niha me li belgefîlmekî temaşe kir, berê kamerayê dide jinan û dikeve nav jiyana wan. Parçeyek ji pirsgirêkên jinan nîşanî me dide. Em qala belgefîlmê bi navê "Ez li ku dera çîroka xwe me?" dikin.
Nalin Acar û Adar Taş belgefîlm kişandine. Belgefîlmê 67 deqîqeyî di çarçoveya 45'emîn Festîvala Fîlman a Stenbolê de derket pêşberî temaşevanan.
JI JINÊN MALBATÊ DEST PÊ KIRINE
Belgefîlmekî şîrîn e, xweşik e. Pirsgirêkên jinan dide hîs kirin, di heman demê de gelek diyalogên mirov pê bikene, kêfê bigire jî hene. Her du derhênerên jin bi ser jinên malbatên xwe re pirgsirêkên jinan anîne pêş kamerayê. Belgefîlm li Batman û Tetwanê hatiye kişandin, lê xweş li hev anîne ku mirov ferq nake li du bajarên cuda hatiye kişandin.
Ji pirsgirêkên wan û mêrên wan heta têkiliya ligel zarokên wan, ji "dema tu ketî nava kincan çawa bû" heta "we çawa hev dît" û niha rewş çi ye, ketiye dû pirsgirêkên jinan.
Di belgefîlmî de mirov bandora siyasî ya li ser jinan jî dibîne. Mînak yek ji wan li Şaredariya Batmanê dixebite lê kayûmê lê dike ku îstîfayê dike, loma cihê karê wê diguherîne. Dîsa di klam û gotinên de mirov hin tiştan hîs dike.
'ME PIRSA EM LI KU DERÊ NE KIR'
Nalîn Acar ji bo me li ser belgefîlmî wisa dibêje, "Çîroka belgefîlm bi me dest pê kir. Pêşî em bi xwe jî li pêş kamerayê bûn, paşê me guhart, me berê kamerayê tenê da karakterên xwe. Me ji xwe dest pê kir, me pirsa em li ku derê ne li xwe kir. Em parçeyên ji jiyanê vedibêjin. Ez hêvî dikim ev bibe parçeyek hemû jinan."
Adar Taş dibêje, "Em pirsa 'em dikarin li ser bedena xwe gotinek bejin, xwedî gotin in yan na' girt bin lêpirsînê. Em dikarin bibin dayik, tiştên wisa me kir fêm bikin."
Belgefîlmê ku cara pêşî li festîvalê hat nîşandayîn, rêwîtiya xwe didome û hêja ye bê temaşekirin.
*******************************************************
ÇAYEK BO DIYARNAMEYÊ:
LÎNKA
Kreosus.com'ê bitikînin
LÎNKA
Patreon'ê bitikînin
*******************************************************
Nûçeyên Eleqedar:
- Fîlmekî nû bi kurdî 'Strana Axê' tê nîşandayîn
- Festîvalê derî vekir: 10 roj wê şahiya fîlman li dar be
- 10 kurtefîlmên pêşbaziyê, 3 jê bi kurdî
- Didu jê bi kurdî, 22 belgefîlm tên
- Amadehî temam bûn: 140 fîlm tên
- Fîlmên xelatgir têne festîvalê
- Festîvala Fîlman a Stenbolê beşek ji fîlman eşkere kirin
- Projeyên ji bo ‘Koprude Buluşmalar’ hatin hilbijartin diyar bûn
- Festîvalê ‘Aci Hayat’ restore kir û wê nîşan bide
***
KANALA YOUTUBE YA DIYARNAMEYÊ
