Diyarname
14'emîn Festîvala Fîlman a Bogazîçî îsal di navbera 5-15'ê sermawezê de li dar dikeve. Festîval niha li benda berheman e.

Fesîvala Fîlman a Bogazîçî yek ji festîvalên ku li Stenbolê Wezareta Çandê ya Tirkiyeyê piştgiriya wê dike. Ev festîval ji aliyê Bogaziçi Kultur Sanat Vakfi ve tê organîzekirin. Festîval niha li benda fîlmên neteweyî û navneteweyî ye. Yên bixwazin beşdar bibin divê heta 15'ê meha rezberê berhemên xwe bigihînin ber destên amadekaran.

Di 4 kategoriyên cuda, beşên Fîlmên Metrajdirêj ên Neteweyî, Fîlmên Metrajdirêj ên Navneteweyî, Kurtefîlm û Belgefîlman de ew li benda berheman in.

Fîlmên ku ji bo festîvalê bêne şandin divê piştî 1'ê rêbendana 2025'an hatibin kişandin. 

Festîval di Beşa Fîlmên Metrajdirêj a Neteweyî de Xelata Fîlmê Herî Serketî Yûnûsê Zêrîn dide. Ligel vê di warê Derhênerê/a Herî Serketî, Senaryoya Herî Serketî, Lîstikvanê û Lîstikvana Herî Serketî, Derhênerê/a Dîmenê yê/a Herî Serketî û Vesazkirina Herî Serketî jî xelatan dide.

Ji bo yên eleqedar navnîşan:
www.bogazicifilmfestivali.com