Êrîşa Tirkiyeyê ya li ser Rojava îro di roja 4'an de ye. Vane agahiyên îro:
19.00:
- Wezîrê Karên Derve yê Îtalyayê Luigi Di Maio bang li endamên Yekîtiya Ewropayê kir ku firotina çekan ji bo Tirkiyeyê bidin rawestandin.
- Almanyayê biryar da ku çekên nû nefroşe Tirkiyeyê. Fransa, Fînlandiya, Hollanda û Norwecê jî biryara firotina çekan ji bo Tirkiyeyê dabû rawestandin.
17.30: QSD: Bila qada navneteweyî gavên pratîkî biavêje Ji roja Tirkiyeyê êrîşê rojava kiriye de QSD yekem car derdikeve pêşberî çapemeniyê. Li ser navê QSD'ê, Berpisê Têkiliyên Derve yê QSD'ê Rêdûr Xelîl derket pêşberî çapameniyê û got: "Heta îro di qada navneteweyî de bertekên baş hatine lê ev yek neketine nava pratîkê, ji mi wan dixwazin van gotinên xwe bixin pratîkê." Xelîl li ser ji niha û pêde tiştên ku dê bikin jî got ku Tirkiye dixwaze seranserê rojavayê Kurdistanê dagir bike, ewê ber xwe bidin. Li ser girtiyên DAIŞ'ê jî Xelîl wisa got: "Bi hezaran endamên DAIŞ`ê di zindanên me de hene. Heta niha em dikarin rewşê kontrol bikin, ger rewş were guhartin, wê erka sereke parastina gelê me be. Lê ji niha û pêde ew ji bo me di asta duyemîn de ne." 16.00: Yekîtiya Ereban got dagirkerî Yekîtiya Ereban êrîşa Tİrkiyeyê ya li ser Rojava û bakurê Sûriyeyê got: "Ev yek dagirkirin û binpêkirina mafê serdestiya Sûriyeyê ye." Sekreterê Giştî yê Yekîtiya Ereban Aboul Gheit daxuyanî da.
13.00: Hewrîn Xelef wefat kir
Çeteyên DAIŞ'ê îro li dor nîvro êrîşê erebeyeke sivîl ku ber bi Girê Spî ve diçû kir. Li gor agahiyên pêşî di êrîşê de Hevseroka Partiya Pêşerojê ya Sûriyeyê Hewrîn Xelef jî jiyana xwe ji dest da. Li gor agahiyan li ser rêya Eyn Îsa-Girê Sipî hucreyên çeteyên DAIŞ'ê yên veşarî êrîş kirine. Di bûyerê de gelek birîndar jî hene. (Ji MA'yê hatiye girtin)
12.30: Barzanî bang kir
Yek ji rêberên kurd Mesûd Barzanî daxuyaniyek weşand û got ku ji bo felaketeke mezin çênebe kî çi ji dest tê bila bike.
Barzanî wisa got: "Mixabin ev çend roj in herêma kurd bi êrîş û talûkeyê re rû bi rû ye. Her ku şer bidome jiyana gelê sivîl zêdetir dikeve bin tehdîdê, di heman demê de ev dibe sedema ewlehî û bêîstîkrariyê. Ez bang li gelê Kurdistanê yê berxwedêr û hemû aliyên aliyê vî şerî ne dikim; sedema vî şerî çi dibe bila bibe, destê kî di bin de be bila bibe, niha ne dema fikirîna bi hestan û hêrsê ye. Ji bo şer bisekine, ji bo gelê sivîl nebin qurbanî û ji bo destûr nedin guherîna demografiya herêmê hemû alî çi ji dest tê divê bikin."
11.30: Li Nisêbînê 9 cenaze hatin definkirin
Li Nisêbîna Mêrdînê di encama topbaranê de duh 9 kesan jiyana xwe ji dest dabû. Cenazeyên wan hatin definkirin. Cenazeyên Hasan Muhammed, Orhan Dogan, Adnan Dogan, Huseyin Çakir, Mehmet Şirin Demir û Ahmet Delen li goristan Heciyan a ku li Taxa Kişlayê ye hatin definkirin. Cenazeyên Naif Sincar, Dara Ali û Aytekin Eroglu jî li Goristana Morîs a li Taxa Yenîşehîrê hatin definkirin.
**
Nûçeyên Eleqedar:
- Kayhan Kelhor konsera xwe ya Stenbolê betal kir
- Lîstikvanê navdar George Cloney jî ji bo kurdan deng bilind kir (Agahiyên roja 3'yan)
- Ji banga Elî Qazî heta axaftina Trump, ji îro agahiyên derketine
- 14 partiyên Başûr dest bi çalakiyan dikin
.jpg)
