Her ku agahiyên nû û yên girîng bên emê lê zêde bikin...
22.15: Behram Salih peyam weşand Serokomarê Iraqê Behram Salih li ser êrîşa Tirkiyeyê ji ser twittera xwe re peyamek weşand û got ku êrîşa ku Tirkiyeye kirey dê bike ku hêzên terorîst xurtir bibin, û bibe sedema êşên însanî yên mezin. Salih bang li dinyayê kir ku pêşî li vê felaketê bigire, kurd jî di nav de hemû mafên gelên li Sûriyeyê bi awayê siyasî, aştî çareser bike û ewlehiyê saz bike. 22.10: NE dicive Wezareta Karên Derve ya Misirê êrîşa Tirkiyeyê bi tundî şermezar kir û li aliyê din bang li Lîga Ereban kir ku li ser meseleyê bicive. Wezaretê wisa got: "Ev êrîşeke xirab e li hemberî dewleteke ereb a bira û ev nayê qebûlkirin."
Konseya Ewlehiyê ya Neteweyên Yekbûyî ji bo li ser êrîşê nîqaş bike sibê li hev dicive.
22.00 PE di civînê de ye
Li Eniyê bi her awayî êrîş û berxwedan didomin. Hema hema li ser hemû sînorê Rojava şer heye.
Li aliyê din di vê saetê de Parlemena Ewropayê li ser meseleyê bi awayekî lezgîn li hev civiya. Piştî civînê dê çi derê kes nizane. Lê civîn didome.
21.40: Civîna Yekîtiya Ereban
Wezîra Karên Derve ya Ann Linde êrîşa Tirkiyeyê wekî "ev çalakiyek bêaqil e" û divê Konseya Ewlehiyê ya Neteweyên Yekbûyî pêşî li zêdebûna vê xirecirê bigire.
19.20: Hunermendan peyam da
Hunermendê kurd Şivan Perwer vîdyoyek belav kir, têde hem êrîşşermezar kir, hem gazin kir ku me çi bi we kiriye. Hunermend Ciwan Haco jî êrîş şermezar kir. Hunermend Xelîl Xemgîn jî di peyama parve kir de got ku ji bilî berxwdanê tu rê nîn e..
Heta niha nivîskarên kurd ji ser hesabên xwe yên tora civakî nerazîbûn nîşan didin. Yek ji wan jî nivîskarê navdar Bextiyar Elî ye. Bextiyar Elî ji ser facebooka xwe re bi peyamek êrîş şermezar kir.
19.20
Qonseya Sûriyeya Demokratîk rahihand ku hemû operasyonên xwe yên dijî DAIŞ’ê dane rawestandin. QSD dê berê hêzên xwe bide cihên Tirkiye êrîş dike.
18,15: Sivîl mirin
Kordînasyona QSD'ê ragihand ku li gundê Misharafa ya Girê Sipî di encama bombebarana balafirên tirk de du sivîl mirin, du jî birîndar bûn.
17.55
Endamê Senatoya DYA'yê Lindsey Graham ji ser twitterê got ku ji bo mitefîkên me yên ku Trump ew tenê hiştin dia bikin ev êrîşa Tirkiyeyê dê bibe sedem ku DAIŞ dîsa derkeve holê. Her wiha got ku di Kongreyê de ji bo berdêlek mezin bidin Erdogan dê bixebitin.
17.50
Diyaneta dewleta Tirkiyeyê ferman da meleyan ku li mizgeftan serê sibê mele Sûreya Fatihayê bixwînin.
17,45
Yekîtiya Ewropayê (YE) bang li Tirkiyeyê kir ku dawî li êrîşê bîne. Serokê Komîsyona Yekîtiya Ewropayê Jean-Claude Juncker got ku ji bo herêma bi ewle dê alikariya madî ya ji bo Tirkiyeyê çênebe.
17.40
Telefon û înternetê li herêmê hat qutkirin.
Dewleta Tirkiyeyê niha jî dest bi topavêtina nav herêmê kir.
Li Ewropayê gelê kurd dadikeve qadan.
17.30 Fransa êrîş şermezar kir
Îngilistan û Fransayê bang li Neteweyên Yekbûyî kir ku li hev biciva.
WezÎrê Karên Derve yê Almanyayê daxuyand: "Em êrîşa Tirkiyeyê ya li hemberî bakrê Sûriyeyê bi tundî şermezar dikin."
Wezareta Karên Derve ya Fransayê jî êrîş şermezar kir.
Yekîtiya Ewropayê banga rawestandina êrîşê kir.
17.00
Dewleta Tirkiyeyê îro saet dor 16.10'an de bi balafiran êrîşê Serêkaniyê û Girê Sipî ku di nav axa Rojava de ne kir. Dewleta Tirkiyeyê dixwaze 32 kîlometre bikeve hûndir, ji ser hemû sînorê Rojava heta hundir bigire bin destê xwe. Tirkiyeyê navê tevgerê jî "Bariş Harekati" dayine.
Pêşî bi balafirên şer F-16'an dest bi bombebaranê kir. Ji aliyê kurdan ve tê gotin ku hem mewziyên leşker^ne wan hem jî qadên sivîl têne bombebaran kirin.
Serokomarê Tirkiyeyê Recep Tayyip Erdogan li SErokê CHP'ê Kemal Kiliçdaroglu, Serokê MHP'ê Devlet Bahçeli û Seroka İyi Parti Meral Akşener geriya û agahî da wan.
Qonseya Sûriyeya Demokratîk bangî gel kiribû ku rabe seferberiyê. Bi êrîşê re ew ji ketine nava tevgerê.
.jpg)
