Diyarname

Welatên Yekîtiya Ewropayê (YE) bi daxuyaniyeke hevbeş ji Tirkiyeyê xwestin ku êrîşa li hemberî Rojava rawestînin. 28 welatên Yekîtiya Ewropayê bi hev re daxuyanî belav kirin, ji Tirkiyeyê xwestin êrîşê rawestîne û got ku pirsgirêka Sûriyeyê bi rêbazên leşkerî çareserî çênabe.

Daxuyanî ji aliyê Nûneriya Bilind a Polîtîkayên Ewlehiyê û Têkiliyên Derve ya YE'yê ve hat belavkirin û wisa hat gotin: "YE bang li Tirkiyeyê dike ku dawî li çalakiyên xwe yên leşkerî yên alî bîne. Pevçûnên li bakurêrojhilatê Sûriyeyê dê hemû herêmê îstîkrarê xira bike, dê bibe sedem ku zêdetir mirov êşê bikişînin û bibe sedema ew ji cih û warên xwe bibin."

Di daxuyaniyê de wisa hat gotin: "Tirkiye li Bakurêrojhilatê Sûriyeyê  'herêma bi ewle' ku ji xwe re kiriye hedef dê ne di asta standardên navneteweyî ya Komîseriya Bilind a Penaberan a Neteweyên Yekbûyî de be. Vegera penaberan divê bi ewle, ji dil û bi rûmet be."

YE'yê li ser mafên gelê li wir dijî jî wisa got: "Em hewldanên guhartina demografiyan qebûl nakin. Em piştgirî nadin xebatên li herêma ku mafên gelên wê derê bêne piştguh kirin."

Di daxuyaniyê de tê gotin ku endîşeyên ewlehiyê yên Tirkiyeyê divê ne bi rêyên leşkerî, bi rêyên siyasî û dîplomasiyê bêne çareserkirin.

Her wiha di daxuyaniyê de hat gotin ku ev çalakiya yek alî dê serketina koalîsyonê ya li hemberî DAIŞ'ê hatiye bi dest xistin tehdîd bike û bibe sedem ku DAIŞ ji nû ve xurt bibe."

Ev nûçeya Reutersê ji DW hatiye girtin

**

Nûçeya Eleqedar:

- Dewleta Tirkiyeyê dest bi êrîşê Rojava kir