SERÊKANIYÊ
Endamê Desteya Rêveber a TEV-DEM'ê Xelîl Osman diyar kir ku di rewşa heyî ya Rojava û Başûrê kurdistanê de ji bo çareserkirina doza kurdî û pûçkirina êrîşên çeteyên DAIŞ'ê, civandina Kongreya Netewî ya Kurd pêwîstiya herî mezin e.
Endamê Desteya Rêveber a TEV-DEM'ê Xelîl Osman derbarên êrîşên çeteyên DAIS'ê yên li dijî kantona Kobanê de wiha ji bo ANHA'yê axivî:" Ev êrîşên ku ji aliyê çeteyên DAIŞ'ê ve li dijî kantona Kobanê têne kirin, ne bo ku Kobanê Kantoneke erda xwe dewlemende, lê belê Kobanê bi hêza gele xwe yê berxwedanvan dewlemend e. Em dibêjin Kobanê ne bi tenê ye. Ji heft salî heta heftê salî bi dil u canê xwe bi Kobanê re ne. Ji bo Kobanê dilê her mirovekî kurd ê bi şeref û exlaq lê dide."
Xelîl Osman diyar kir ku çeteyên DAIŞ'ê bi piştgiriya hêzên tarî hewl didin ku vîna gelê kurd bidin şkandin û wiha got: "Em ji wan re dibêjin ku gelê jiyan nas kiriye, bi jiyanê re hevaltî kiriye, serî ji tu aliyan re netewandiye û di her demê de ji bo azadiya xwe û welatê xwe şehîdên qehreman daye, wê tu caran vîna wî ya azad neyê şkandin. Ev êrîş li şûna lawazkirinê, kurdan bêhtir bi hêz dikin."
Osman di nava axaftinên xwe de bal kişand ser kiryarên çeteyên DAIŞ'ê yên dijmirovane mîna serjêkirina zarok û kalan, kuştin bi hovîtî, revandin, wêrankirin û hemû karên qirêj ên ku çete di derheqê welatiyên sivîl de pêk tînin.
Derbarê rewşa dawî ya Kobanê û Başûrê Kurdistanê de Osman diyar kir ku di rewşa heyî de lidarxistina Kongreya Netewî ya Kurd pêwîstiya herî mezin e û da zanîn ku ji bo çareserkirina doza kurdî yekîtiya gelê kurd û civandina kongreya divê pêk werin.
Xelil Osman di dawiya axaftinên xwe de bang li hemû ciwanên kurd, netew û pêkhateyên dîtir kir ku bibin bersiva seferberiya ku ji Hikumeta Herêma Kobanê hatiye ragihandin û tevlî nava refên YPG'ê û YPJ'ê bibin û li kesên bi temenê xwe mezin ku çek rakirine xaka welatê xwe diprêzin, binêrin.
**
Nûçeyên eleqedar:
- Mebûs û Şaredarên HDP û BDP'ê ji bo Kobanê diçin Pirsûsê
- Ji KNK'ê banga xwedîderketina li Kobanê
- 'Li Kobanî bi sedhezaran kes bêne kuştin wê wijdana Barzanî jî pê biêşe'
- Salih Muslim: ‘Kobanî têk biçe dê vîna kurd bişkê'
- Pêşverû û Yekîtî: Em ji bo parastina Kobanê amade ne
