Serêkaniyê
Di bombebarana balefirên şer ên rejima Suriyê ku li dijî Serêkaniyê pêk hat de, 3 ji wan zarok 6 welatiyên kurd jiyana xwe ji dest dan.

Balefirên rejîma Suriyê serê sibehê saet derdora 10.15’an de Dewara El Elav a girêdayî Taxa Mehetê ku komên çekdar lê ne, bombebaran kirin. Di encama bombebarana ku 2 caran pêk hat de, 3 jê zarok 6 welatiyên kurd jiyana xwe ji dest da. Hate ragihandin ku ji kesên jiyana xwe ji dest dane 5 ji heman malbatê ne.

Navên welatiyên jiyana xwe ji dest dane wiha ne: Emer Sîno ji gundê Xirbit Benat ê girêdayî Serêkaniyê Buka Sîno a bi navê Hemra û 3 zarokên wê ku nehatin zanîn. Welatiyê bi navê Haci yê ku bi eslê xwe ji Kobanê ye lê li gundê Duwêra yê girêdayî Serêkaniyê rûdine.

Hate ragihandin ku bombebaran li nava bajêr bûye sedema tirsê, lê gel wekî bombebaranên berê ji bajêr derneketiye û bi alîkariya hêzên YPG’ê tedbîrên xwe girtine.

Komên çete, di 8'ê mijdarê de ji aliyê Tirkiyeyê ve ketibûn bajêr. Piştî ev komên çete ketin bajêr ku tê gotin ji Tirkiyeyê piştgiriyê digirin, hêzên rejîmê jî herêm bombebaran kiribû.Di encama van êrîşên li Serêkaniyê de herî kêm 10 sivîl jiyana xwe ji dest dan, 70 birînda rbûn, nêzî 50 xanî hilweşiyan û zêdetirê 11 hezar kes koçber bûn. Piştî YPGê mudaxeleyê komên çete kir, komên çete daxwaza agirbestê kirin û di encamê agirbestê de komên çete ji Serêkaniyê derketin.

Hêjayê gotinê ye ku Rojavayê Kurdistanê ji roja bûyerên li Sûriyeyê dest pê kirin adara 2011 ve cihê herî aram ê Sûriyeyê bû. 

ANF