Diyarname

Marîa Şarapova tenîskara Rus a. Heta enka zehf zerkewtinê ay bînin la ay madeyke werd û bî sebebê di seran ke tenîsra dûr bimano.

Tesînkar Şarapova madeyke bi namey meldonyûm şixulnabî ke eno made kuno şûney dopîngî. Ene joy ser Federasyonê Tenîsî ya Navneteweyî (FTN) ceza ro Şarapova birna. Şarapova vat ke ay nêzanayne WADA (Sazî Têkoşîna Hemberê Dopîngî ya Dinya) no made kerdo miyanê madeyanê qedexeyan.

FTN eşkera kerd ke 26'ê aşmey verîne ya ene sere ra heta 2 serî temam bibê a nêşkena tewrê kayan tenîsê bibo. Yanê enkara pey heta ser û nîm Şarapova go kay tenîsî ra dûr bimano.

Şarapova jî serê hesabê xo ê Facebookî re nişt û vat ke a nê biryarê FTN'î qebûl nêkena û qeybî biryar bêro betalkerdiş go şoro CAS (Dadgehey Tehkîmê Sporî).

FTN'î mengey edarî de no biryar girot bî û vat bî ene mengera biryarê yînan derbas beno, la enka eno henî teqiya ant û van 26.01.2016 re derbas beno.

Dimay biryarî henî sponsoranê Şarapova fek ayra vera dabî û peymaney miyanê xo de betal kerd bî.

Şarapova ke Netewey Jûbiyîn (NJ) de qasida niyetbaşebî, NJ'î a ewca ra jî vetebî..

 **

Nûçeya eleqedar:
- Xelk efû nake!