Diyarname
Bêrîvan Aymaz li Kolna Almanyayê berendama şeradaniyê ye. Di hilbijartina 14'ê mehê de Aymaz bû yekemîn lê nekarî dengên sedî 50 derbas bike loma hilbijartina wê Dora Diduyan li dar bikeve. Niha ji bo serketina Aymazê navdarên kurdan jî têde gelek kes bang dikin ku kurd dengên xwe bidin wê.

Hilbijartina Dora Diduyan a ji bo hilbijartina Kolnê wê roja 28'ê mehê lidar bikeve. Bêrîvan Aymaza ku bi sedî 28'ê dengan bûbû yekemîn û berendamê SPD'ê Torsten Burmester ku bi sedî 21,3'yê dengan bûbû duyemîn wê bikevin hilbijartinê. Kî sedî 50+1 bigire ewê bi ser bikeve.

SÎNEMXAN BEDIRXAN BANG KIR
Keça zimanzan û rewşenbîr Celadet Alî Bedirxan Sînemxan Bedirxan ligel kurê xwe Azad Selaheddîn Sadullah vîdeoyeke belav kir û banga piştigiriya ji bo Bêrîvan Aymazê kir. Di vîdeoyê de Sadulhah wisa got, "Em Bêrîvan Aymazê pîroz dikin û piştgiriya wê dikin. Ez û diya min em ji bo berendamtiya Bêrîvanê gelek dilşad in. Înşela wê bi ser bikeve. Em bawer dikin dê hemû kurd piştgiriyê bidinê. Koln ji bo Sînemxanê girîng e û bajarekî taybet e. Bavê Sînemxanê Celadet demekê li Kolnê jiya ye. Em silav û hurmetên xwe bo her kesî dişînin."

JI CIWAN HACO BANGA PIŞTGIRIYÊ
Li aliyê din hunermend Ciwan Haco jî bi ser hesabê xwe re banga piştgiriya Aymazê kir. Haco wisa got, "Heval, hogir û hezkiriyên min ên li Kolnê. Hevala min a hêja Bêrîvan Aymaz li bajarê we namzeta şaredariya bajarê mezin e.
Di 28’ê Îlonê de tûra duyem a hilbijartinan tê li dar xistin – û bi piştgiriya we Bêrîvan dikare bibe şaredara bajarê mezin a Koln’ê!"

CIVAKA KURD PIŞTGIRÎ DIDE
Kurdische Gemeinde Deutschland (Civana Kurd a Almanyayê) jî bi ser hesabê xwe re banga piştgiriyê ji bo Bêrîvan Aymazê kir.

***

Nûçeya Eleqedar:

- Berendama kurd Bêrîvan Aymaz bû yekemîn, lê têrê nekir