Diyarname
Di maçên Dora 2'yan a Kûpaya Tirkiyeyê de tîmên bajarên kurdan jî meşa xwe didomînin. Mûş û Dêrsim bi ser ketin.
MÛŞ'Ê 5 GOL AVÊTIN
Mûş 1984 Sporê li mala xwe Mazidagi Spor kir mêvan. Mûşê 5 gol avêtin reqîbê xwe û bi vê serketinê derket Dora 3'yan.
Golên Mûş sPorê di deqîqeya 8 û 61'ê de Oguzhan Akgun, deqîqeya 44 û 54'an (ji penaltî) de Ersel Asliyuksek û deqîqeya 46'an de Bilal Budak avêt.
DÊRSIM'Ê 2 GOL AVÊTIN
Dêrsimê jî li mala xwe Şanliurfaspor kir mêvan. Dêrsim bi 2-0 bi ser ket, her du golên xwe jî di nîvekên yekem û duyem de deqîqeyên dawî de avêtin.
Mert Can Yilmaz di deqîqeyên 45+2 û deqîqeya 90'î de li ser navê tîma xwe gol avêtin. Dêrsim bi vê serketinê derket Dora 3'yan; Şanliurfaspor vegeriya mala xwe.
Dêrsim spor di Lîga Amator de dilîze lê bû du dor bi ser dikeve. Di Dora 1'em de tîma Lîga 2'yem Adanaspor, vê carê, yanê di vê Dora 2'yem de jî tîmek din a Lîga 2'yem Şanliurfaspor têk bir.
BÎNGOL'Ê ELAZIG ŞAND MAL
Maça din a kûpayê li Elezîzê bû. Elazigspor û 12 Bîngolspor hatin hemberî hev. Nîveka yekemîn a maçê de heyecan hebû. Hê destpêkê, di deqîqeya 2'yan de ji Elazigsporê Samed Alî Kaya gölek avêt û tîma xwe derxist pêş. Di deqîqeya 11'an de Bîngolê bi Berk Ali Nizam bersiv da. Piştî vê bi 3 deqîqeyan Yusuf Efe Saydam gölek avêt û Bingolspr bi 2-1 derxist pêş. Lê bi ser re du deqe derbas nebû Elazigê bi Enes Soy bersiv da.
Nîveka yekemin a maçê bi 2-2 bi dawî bû.
Di nîveka duyemîn de ev wekhevî derbas nebî û maç derbasî nîv saetên zêdek bû: Di 15 deqeyên pêşî de encam neguherîn, di nîveka duyemîn de ji 12 Bîngolsporê Muhammed Burak Çelîk derket pêş: Çelik bi gola xwe Bingolspor bi 3-2 derxist pêş. Bi vê serketinê Bîngolspor derket Dora 3'yan, Elazigspor vegeriya mala xwe.
MAÇÊN DIN
Di maçên din de Yeşîlyurt Belediyesporê Adana 1954 Spor bi 3-2'yan têk bir.
Kahramanmarasporê jî Karaman spor bi 1-0 têk bir.
***
Nûçeyên Eleqedar:
- Agri Sporê Batman Petrolspor şand mal
- Reqîbên tîmên bajarên kurdan diyar bûn
- Mûş, Dêrsim, Yeşîlyurt, Şanliurfa, Kahta û Kahramanmaraş bi ser ketin
- Bingol Spor û Karakopru Spor bi ser ketin
- 19 tîmên bajarên kurdan dilîzin