DiyarName.Com

Diyarname
îro li 20 cihan şahiyên Newrozê hebûn. Ya herî mezin li Stenbolê bû.
Va ne notên ji Newroza Stenbolê:
- Îsal jî meydana Yenîkapi ya ku li Fatihê ye ji bo Newroza Stenbolê mazûvanî kir. Ji serê sibê de ji her derê Stenbolê gel ber bi qadê ketin rê.
- Bi sed hezaran kesî qada Yenîkapi dagirt. Dema roj hat piştî nîvro bi qasî ku yên ji qadê êdî vegeriyan, bi vî awayî însan hê dihatin qadê.
- Agirê Newrozê ji aliyê Dayikên Aştiyê, siyasetmedar Gultan Kişanak û Hevserokê DEM Partî Tuncer Bakirhan ve hat pêxistin.
- Li her derê berstûkên Amedsporê dihatin firotin. Îsal ligel vê berstûkên Vansporê jî xuya bûn. Li qadê gelek alên Amedsporê jî hatin vekirin. Ji bilî van alên Kurdistanê, wêneyên Ocalan li pêş bûn.

BERSTÛKÊN BI WÊNEYÊN DEMÎRTAŞ
- Berstûkên ku li ser wêneyê siyasetmedar Selahattin Demirtaş li ser gelek hatin firotin. Firoşkaran di vî warî de karek baş kirin. Ligel vê gelek wêneyên Demirtaş jî hatin vekirin. Hinan wekî tablo weneyê Demirtaş amade kiribû û anî bû; gelek kesî li ber fotograf dikişand.
- Hinan maske dabû ber rûyê xwe, maskeya Joker, gelek kes diçûn ligel foto dikişandin.
- Jin û mêr, gelek kes bi kincên kurdî li qadê bûn; ev yek ji salên din zêdetir xwe nîşan dida.

QADÊ BERSIV DA YAVAŞ
Şaredarê Bajarê Mezin ê Enqereyê Mansur Yavaş du li Saraçhaneyê gotinên nexweş bo kurdan kiribûn, îro li qadê hem pankartek hatibû vekirin, hem jî dema peyama Serokê Giştî yê CHP'ê Ozgur Ozel hat ku ji aliyê pêşkêşvanan ve bê xwendin, gel protesto kir. Pêşkêşvan çend caran sekinî, rica kir protesto nekin, lê gel heman bersiv da. Di nav vê protestoyê de peyama Ozel hat xwendin. Ev yek wekî bersivek ji bo Mansur Yavaş hat nirxandin; ku beşdaran jî ev dianîn ziman.

DIRUŞMÊNE ÎSAL
- Diruşmên wekî "Jin, jiyan, azadî", "Bê serok jiyan nabe, "Bijî Serok Apo", "Bijî Newroz" diruşmên ku herî zêde hatin bilindkirin bûn.
- Wekî Newroza Amedê li Stenbolê jî dengê Ocalan ku Newroz pîroz dikir bi dîmenên wî ên anîn ser ekranê hat belavkirin.

'EMÊ FIRSENDÊ NEDıN PROVAKTOR'
- Di Newrozê de hin axaftin jî hatin kirin. Ji van Hevberdevkê HDK'ê Ali Kenanoglu di axaftina li ser "Lihevkirina Bajêr" de sekinî û girtina Îmamoglu û kesên din wekî derbe bi nav kir. Kenanoglu ji bo Şaredar Yavaş jî got, "Duh li Saraçhaneyê provakatorek hebû. Dema zarokên kurd di bin panzêran de dihatin eciqandin te qet deng derxist? Karên wan cudakarî ye. Em li hemberî vê derbeyê ne. Em jî li Saraçhaneyê bûn. Emê firsendê nedin te. Wekî provakatorên din ên li vî welatî, emê firsendê nedin te jî. Ev Newroz, Newroza xwedîlêderketina aştî û jiyana demokratik e."

KIŞANAK: ENQERE GERE GUH BIDE DENGÊ GEL
- Siyasetmedar Gultan Kişanak: Bila qedexeyên li ser ziman û çanda me bi dawî bibin. Enqera li ser rêya kritik e, dem hatiye vir derbas bibe. Divê guh bide kurdan, guh bide dengê Rojava. Em aştiyê hêvî dikin. Ger planeke ne baş a Enqereyê heye bila dest ji vê planê berde. Birêz Ocalan dibêje "Bi vîn bin, bi rêxibtin bin" Emê bi xwe bawer bin, Emê xwe bi rêxistin bikin, emê mil bidin hev û bi hev re bimeşin.

BAKIRHAN: EMÊ SERÊ XWE NETEWÎNIN
- Hevserokê DEM Partî Tuncer Bakirhan: Ji Kawayê Hesinkar heta Kawayê Hemdem agirê Newrozê netemirî. Em serê xwe natewînin, heta dawî emê ber xwe bidin, serketin a me ye.
Yên ku welat bi rê ve dibin mecbur in biguherin. Bi kayûman hûn nikarin bigihîn cihekî. Pêvajoya ku hatiye destpêkirin destpêkek bû. Hûn amade ne mafên kurdan bi dest bixin? Em rêya sêyemîn diparêzin. Em bi mîlyonan in li ser rêya Newrozê.
Divê Tirkiyeyê êdî nebe welatên ku her operasyon lê tene kirin. Divê dadgeh ji bo vê yekê neyê bikaranîn. Em ligel Îmamoglu û hemû kesên hatine girtin in. Yên hatine hilbijartin divê neyên girtin. Heta niha herî zede me derbeyên sivîl rexne kirine. Selahattin û hevalên wî hê girtî ne. Li dinyayê Tirkiye êdî wekî welatê antî demokratik tê binavkirin.
Ji me re digotin kurd divê li Wanê, Sêrtê wan deran bi rê vebin, îro jî ji ber "Lihevkirina Bajêr" divê hûn nikarin Stenbolê bi rê ve bibin. Ez bang li hikumetê dikim ku dest ji hiqûqa şaş berde. Di kêliya ku em aştiyê bi rêxistin dikin de hin kayûman dişinin ser şaredariyan, divê dest ji van tiştan berdin.

***

ÎSAL:
- 89 cih: Va ye bajar bi bajar bernameya Newrozê

***

Nûçeyên Eleqedar:

- ÎRO: Çalakiyên Newrozê temam dibin, li 20 cihan mîtîng hene

- Notên ji Newroza Amedê

- Qonaxê Cemîl Paşa veng da

- Rêberên kurdan ji bo Newrozê çi gotin?

- Newroz pîroz be, îro Amed Newroz e

- Li Balyozxaneya Îsraîlê ya Berlînê bi resepsiyonek Newroz hat pîrozkirin

- Li 9 navendan Newroz bi girseyî hat pîrozkirin

- Ji bo Newroz bi fermî bibe tatîl serî li meclisê da