WAN
Şaredarê Westanê yê berê Faîk Tan tevlî BDP’ê bû. Tan got: “ Partî peywir bide min yan jî nede min, ez soz didim li pey rêya têkoşîna Rêber Apo me.”
Rêxistina BDP’ê ya Westanê bi civînekê starta hilbijartinên sala 2014’an li Navenda Perwerdeya Gel da. Di civînê de pêşberendam derketin ser dikê û soz dan ku peywir bidin wan yan jî nedin dê dîsa li ser rêya têkoşîna gelê kurd xebata xwe bikin.
Di civînê de Faîk Tanê ku di salên 1989-1994 û1999-2004’an de ji CHP'ê Şaredariya Westanê kiribû ji CHP’ê îstifa kir û derbasî BDP’ê bû.
Tanê ku qeyda xwe ya endamtiya BDP’ê çêkir. Tan bi bîrxist ku wî du deman Şaredartiya Westanê kiriye. Tan got ku li CHP’ê karkirin ‘li himberî gel şaşî ye’ û diyar kir ku wî du deman şaredarî kiriye lê belê qet rê nedaye dizî û heya niha jî mala têde ne êdî, kirê ye. Tan got ew bi rihê 89’an namzetê namzetan e û got: “Partî peywir bide min î, nede min jî, ez soz didim ku ezê li ser rêya Rêber Apo têkoşîna xwe bidomînim."
Beşdarbûna Tan ya li nav BDP’ê di salonê de bi çepikan hat pêşwazî kirin.
Di hilbijartina herêmî ya 2009'an de li Westanê AKP'ê bi sedî 28.1 şaredarî bi dest xist. BDP bi sedî 27.2 bû partiya duyemîn û di rêza sêyemîn de CHP bi sedî 22.6 cih girtibû, SP jî bi sedî 21.3 bûbû çaremîn.