2024: Yên ku xatir xwestin

Dîrok: 23/12/2024

Diyarname
Di sala 2024'an de jî gelek kurdan canê xwe ji dest da. Ji qada hunerê heta nivîskariyê, heta siyaset û rewşenbîriyê, gelek kurd mirin. Ji bo carek din bibîrxistinê, me ew dan hev.
*
31.12.2024:
Bavê Selahattin Dermirtaşî mir
Bavê Selahattin Dermirtaşî Tahir Demirtaş roja daWî ya sala 2023'an li Amedê mir. Tahir Demirtaş di meha gulanê de qeyrana dil derbas kiribû. Cenazeyê wî roja yekem a sala 2024'an li Goristana Mardînkapiya Amedê hat definkirin.
*
07.01.2024:
Keça Simkoyê Şikakî mir
Keça Simkoyê Şikakî, Hediye Zîrekbîlek di sed saliya xwe de canê xwe ji dest da. Ew li Wanê li nexweşxaneyê bû, li wir mir. Dema bavê wê Simkoyê Şikakî roja 21'ê tîrmeha 1930'î ji aliyê rejima Îranê ve hat kuştin Hediye Zîrekbîlek glek biçûk bû.
*
04.04.2024:
Elî Zendî û Dervîş Cengîz Ebdî Pûr mirin
Agahiya mirina du hunermendan bi hev re hat, ku her du jî ji Rojhilat in: Elî Zendî û Dervîş Cengîz Ebdî Pûr.
Her du hunermend heman rojê mirin.
Elî Zendî di sala 1956'an de li bajarê Sine hatibû dinê. Ew li Kanadayê dijiya, li wir mir.
Hunermend Derwîş Cengîz Ebdî Pûr 80 salî bû, li bajarê Kereng Xerbê mir.
*
16.05.2024:
Mele Reşîd Irgat mir
Mele Mihemed Reşîd Irgat ku pirtûkên xwe bi navê M. Reşîd Irgat çap dikir roja 16'ê mehê canê xwe ji dest da. M. Reşid Irgat yek ji nifşê medreseyên kurdan bû. Ew di sala 1943'yan de li gundê Oranisa ya Tetwana Bedlîsê hatibû dinê
*
23.05.2024:
Hunermend Hesen Emo mir
Hunermendê ji Şengalê Hesen Emo ji ber nexweşiyeke giran mir. Navenda Çand û Hunerê ya Şengalê bi daxuyaniyeke nivîskî agahiya mirina hunermend Hesen Emo ragihand.
*
15.08.2024:
Rewşenbîr Tarik Ziya Ekinci mir
Rewşenbîr û siyasetmedar Tarik Ziya Ekinci îro canê xwe ji dest da. Ekîncî di sala 1925'an de li Licêya Amedê hatibû dinê.
*
13.09.2024:
Roja ku li bendê bûn bê berdan, Okyay mir!
Girtiyê kurd ê bi navê Abdulmelik Okyay ê 71 salî ji zû de bû nexweş bû, lê nedihat berdan. Rojava ku dê bihata berdan bi qeyrana dil ket û mir.
Abdulmelik Okyay li Erzeromê di nav siyaseta kurd de cih girtibû. Okyay li Erzeromê di nav rêveberiyên HEP, DEP, HADEP (Serokatiya Bajêr) cih girtibû.
*
20.09.2024:
Lacê Mûsa Anterî, Anter Anter eyro merd
Lacê Musa Anterî (Apê Mûsa) ê bi namey Anter Anter eyro serê sibay merd.
*
25.09.2024:
Hunermend Fetane Welîdî mir
Yekem stranbêja jin a kurd li rojhilatê Kurdistanê hunermend Fetane Welîdî ku di salên 1970’an de wekî jineke serhildêr dest bi karê hunerê kir û wekî yek ji stêrên herî geş di huner û muzîka kurdî de derket pêş, koça dawî kir. Ew 71 salî bû.
*
19.11.2024:
Hunermend Îbrahîm Qadirî mir
Hunermendê navdar yê rojhilatê Kurdistanê Îbrahîm Qadir ji ber nexweşiyê koça dawî kir. Hunermend Qadir di sala 1934'an de li gundê Îsakendî ya Mehabadê hatibû dinê.
*
23.11.2024:
Lîstikvan Zahîr Ebdullah mir
Lîstikvanê şano û sînemaya kurdî Zahîr Ebdullah ku bi nexweşiya penceşêra qolonê ketibû, mir. Lîstikvanê 66 salî ev çar sal bûn bi vê nexweşiyê ketibû. Ebdullah di sala 1958'an de li taxa Teyrawa ya Hewlêrê hatibû dinê.
*
11.12.2024:
Şaredaro verîn Feyzullah Karaaslan merd
Siyasetmedar û şaredaro verîn ê Çewligî Feyzullah Karaaslan merd. Feyzullah Karaaslan seranê dergan miyanê partiyanê legal ê kurdan de kar kerd. Ew weçînayişê serey 1999'inan di serê namey HADEP'î de, Çewlig de bî verendam û bi ser kewt. Karaaslan heta serey 2004'inan ewca şaredar bî
*
- 17.12.2024:
Aktîvîstê mafên mirovan Husnu Ondul mir
Yek ji avakarên Komeleya Mafên Mirovan (ÎHD) û Serokê Giştî yê ÎHD'ê yê berê Husnu Ondul îro mir.
*
24.12.2024:
Wênekêşê Qamişlo Feysel Şexmûs mir
Roja 22'yê berfanbara 2024'an wênekêşê herî kevin ê bajarê Qamişlo Feysel Şêxmûs canê xwe ji dest da.