Îro nûçeyên derketine pêş ku hin jê kurdan jî eleqedar dikin me neqendin. Vane ew nûçe:
Serokwezîrê Iraqê tê Tirkiyeyê
Serokwezîrê Iraqê Haydar el-Îbadî roja 25'ê mehê tê Enqereya Tirkiyeyê. Li gor çavkaniyên Serokwezîriya Tirkyeyê Îbadî dê ligel Serokwezîrê Tirkiyeyê Binali Yildirim hevdîtinê çêbike. Di hevdîtinê de dê li ser referandûma Başûr jî nîqaş bêne kirin.
Bîrên petrolê hatin rizgarkirin
Li Bakurê Sûriyeyê Hêzên Sûriyeya Demokratîk bîrên petrolê yên li El Omer ji dest çeteyên DAIŞ'ê derxistin û rizgar kirin. Ev der girêdayî Deyrîzor e. Herêma El Omer ji bo petrolê herêmek gelek baş e. Berî şerê li Sûriyeyê sedî 25'ê petrola Sûriyeyê ji wir dihat derxistin.
Li herêmê ligel bîrên petrolê tesîsên gaza xwezayî jî hene. Duh ev hatibûn rizgarkirin û îro bi awayekî fermî jî haktragihandin.
Mebûsê CHP'ê diçe partiya Akşener
Mebûsê CHP'ê yê Îzmîrê Aytun Çiray ji CHP'ê îstîfa kir û dê derbasî partiya ku Meral Akşeher ava dike bibe. Di daxuyaniya xwe de wî ragihand ku ew dê di nav avakarên partiya Akşener de cih bigire.
Ji niha de bû 5 mebûs beşdarî Akşener dibin. Berî Çiray mebûsên MHP'ê Yusuf Halaçoglu (Kayseri), İsmail Ok (Balikesir), Nuri Okutan (İsparta) beşdarî Akşener bûbûn.
Tarîkirina camên erebeyan qedexe ye
Heta niha di serî de li Stenbolê li gelek bajaran hinan fîlmekî reş li camên erebeyên xwe didan. Bi vî awayî hundirê erebeyan baş nedixuya. Niha ev yek hat qedexekirin. Yên ku bi î awayî camên xwe reş bikin dê 189 TL ceza bidin.