Diyarname

Ji Spanya heta Fransa û Portekîzê çapemeniya sporê ya dinyayê êrîşa Serokê Ankaragucu Spor Faruk Koça ya li hemberî hakêm Halil Umut Meler kir nûçe. Çapemenî manşeta "Şerm e" bikar anî.

ÇAPEMENIYA DINYAYÊ: ŞERM E

Êrîa li hemberî hakêm Meler di çapemeniya dinyayê de cihek fireh girt. Yek ji rojnameyên mezin a Spanyayê AS cihek fireh da bûyerê. Ji Spanyayê MARCA'yê jî wisa nivîsî, "Tiştek nehatiye dîtin, şermek mezin û tiştek xemgîn: Serokê Ankaragucu ji bo êrîşê hakêm bike ket nava sehayê û êrîşê hakêm kir." Li Spanyayê Mundo zî ev kir nûçe.

Yek ji rojnameyên mezin a alman BILD'ê ji bo bûyerê gotina "Li Tirkiyeyê skandal" bikar anî û cih da bûyerê. Ji çapemeniya alman Onefootbal jî cuh da bûyerê.

Ji Îngilistanê Dail Mail bûyer xist manşetê û got, "Dîmenên şermê. Serokê Ankaragucu gulm li rûyê hakêm da, yên din jî bi pihînan li hakêm dan." Ji Skoçyayê DAILY RECORD bûyer pêşkêşî xwendevanên xwe kir.

HAKÊM LI ERDÊ KET

Ji Fransayê rojnameya So Foot bûyer kir nûçe. So Footê wisa got, "Hakêmê 37 salî ku maçên kûpayên Ewropayê jî bi rê ve dibe li nav rayedarên Ankaragucu li erdê ket."

Ji Fransayê Foot Mercato jî got ku serokê Ankaragucu ji hêrsan dîn bû, ligel hinan xwest pêşî lê bigirin jî Koca bi ser hakêm de çû û kulm lê da, ew li erdê xist.

Ji Fransayê rojnameyên din L’EQUIPE jî cihek fireh da bûyerê.

Ji çapemeniya Îtalyayê TUTTOSPORT, ji Portekîzê rojnameya A Bola, OJOGO jî cih da bûyerê.

Rojnameya îngilîz Daily Mail ligel gelek wêneyên din ev wêneyên êrîşê jî belav kirin.

**

Nûçeyên Eleqedar:

- Rojnameyên sporê yên dinyayê ji bo Tirkiyeyê: Skandal 

- Êrîşê rêveberên Amed sporê kirin

- Serokê Amed Sporê: Serokê TFF'ê telefona xwe girtibû 

- Girseyê pêşwazî li Amed Sporê kir 

- Banga DKKDP li ser maça Amed û Bursayê 

-Êrîşa li ser Amed Sporê / hemû bûyerên rojê 

- '68 Ergenekon'ê alîgirên Amed Sporê tehdîd kirin