Diyarname
Îro piştî tîma Amed Sporê li Amedê peya bû û hat Amedê bi hezaran serî ew pêşwazî kir. Tîm ligel temaşevanên xwe çû Tesîsên Şeyhmuz Ozer. Li vê derên saziyên sivîl daxuyanî da çapemeniyê. Serokê Lijneya Îştîşareyê yê Amed Sporê Burc Baysal, Serokê Baroya Amedê Nihat Eren, Serokê DTSO'yê Mehmet Kaya, Serokê Amed Sporê Selahattin Yildirim û gelek kesên din amade bûn.
Va ne hin gotinên ji daxuyaniyê:
- Fikra me ev e, ev tiştên ku duh qewimîne ne tenê bi temaşevanên Bursa Sporê re eleqedar e. Ev gelek sal in tîma me rastî bûyerên bi vî rengî tên.
- Roja pêşî li ber otelê pêşî li êrîşê nehatin girtin, lêpirsîn nehatin destpêkirin. Roja din ji vê cesaret girtine û bûyerên nayên qebûlkirin û bûyerên sûcê derketine holê.
- Ji serî heta dawî atmosfera tirsê çêkirine. Bi taybetî di salên 1990'yan wêne û sembolên kesên bûne sedema kuştinên kiryar nediyar, vekirina wêneyên Torosên Spî vîn û îradeya xirabiya ku bi awayekî organîze tê çêkirin nîşan dane.
- Amed Spor ne bi tenê ye. Saziyên me yên Amedê û her kes dê xwedî li tîmê derkeve. Tiştên ku duh çêbûne neyên cezakirin, berpirsiyar neyên dîtin, peywirdarên saziyên ewlehiyê ji ber vê dest ji ji peywirê bernedin, emê bêjin ew jî van tiştan erê dikin.
- Em bang li Lİjneya Dîsîplînê ya TFF dikin ku tiştên divê bike.
- Klûba Bursasporê ewlehî saz nekiriye, loma jî xala 14'an a Rêziknameya Dîsîplînê ya Sporê binpê kiriye.
- Di bin êrîşan de lîstikvanên Amed Sporê ligel ku ewlehiya canê wan tune bûye jî lîstina xwe berdewam kirine, lewma jî divê biryar bê girtin û Bursaspor wekî têkçûyî bê hesibandin.
- Lîstikvanên Bursasporê yên dijî talîmatan derketine divê bêne diyar kirin û ji lîstinên fermî bêne avêtin, ji bo Bursasporê jî di hemû lîgê de biryara lîstina bê temaşvanan bê dayîn.
- Divê der barê walî û midûrê emniyetê de lêpirsîn bê despêkirin.
- Banga me li hezkirên Amed Sporê jî ew e ku 24 saetan logoya Amed sporê bixin profîlên xwe yên hesabên torên civakî.
***
Nûçeyên Eleqedar:
.jpg)
.jpg)
