Diyarname
Teknîk dîrektor Jose Mourinho li Dadgeha Mafên Mirovan a Ewropayê (DMME) giliyê Tirkiyeyê kir. Mourinho dema li Tirkiyeyê tîma Fenerbahçeyê bi rê ve dibir ji Federasyona Fûtbolê ya Tirkiyeye (TFF) hin ceza girtibûn, Mourinho ev ceza birin Strasbourgê û giliyê Tirkiyeyê kir.

Baweriya Mourinho ew e ku ev cezayên TFF'ê dane wî neheq bûn, loma ji bo mafê xwe serî li DMME'yê da. Mourinho dibêje ku li Tirkiyeyê biryarên futbolê ne serbixwe ne û mafê azadiya ramanê binpê dikin.

Niha DMME'yê bi awayekî fermî ji Tirkiyeyê xwest ku parastina xwe bike. Tirkiye divê di nav şeş mehan de parastiya xwe bike.

Teknîk dîrektorê navdar Mourinho niha li Portekîzê Benficayê bi rê ve dibe lê Serokê Real Madridê gotiye ew carek din bê hilbijartin dê Mourinhoyê bîne ser kar. Kongreya Real Madrîdê 12'yê vê mehê ye.