Diyarname
Di kûpaya mezin a UEFA'yê de roja fînalê hat. Di fînalê de Arsenal û PSG ji bo kûpayê bi dest bixin wê bilîzin. Maç 30'ê mehê saet 19.00'an de ye.

Maça Lîga Şampiyonan li Stada Puskas Arena ya li Budapeşteya Macaristanê wê bê lîstin. Tîma îngilîz Arsenal tîma Spanyayê Atletico Madrid têk bir û hat fînalê. Tîma fransiz PSG jî tîma Almanyayê Bayer Munih têk bir û hat fînalê.

REWŞA HER DU TÎMAN DI VÊ KÛPAYÊ DE
PSG îsal di lîga Fransayê Lîgue 1 de, Arsenal di lîga Îngilistanê Premier Lîgê de bû şampiyon. PSG'ê par jî Kûpaya Lîga Şampiyonan a UEFA'yê girtibû. Her ku Arsenal e qet ev kûpa bi dest nexistiye. Arsenal di sala 2006'an de derketibû fînalê lê li hemberî Barselonayê têk çûbû. PSG di sala 2019'an de di fînalê de li hemberî Bayer Munihê têk çûbû, lê par (2025) di fînalê de li hemberî Interê bi ser ketibû di dîroka xwe de cara yekê ev kûpa girtibû.

ENRIQUE: ARMANCA ME EW E EM BIBIN YEK JI TÎMA HERÎ SERKETÎ YA DINYAYÊ
Teknîk dîrketorê PSG'ê Luis Enrique got ku di vê fînalê de favorî tune ye û ev yek lê zêde kir, "Ew tîmek e ku pir golan diavêje, em jî tîmek in ku parastinê baş dikin."

Enrique pesnê teknîk dîrektorê Arsenalê Mikel Arteta da û got, "Bi min wan Premier Lîg heq kiribûn. Tîma baş û bi îstîkrar ew bûn. Ez bawerim sala wî ya şeşan e li Arsenalê. Em zelal dibinin ku wî tîmeke çawa saz kiriye."
Enrique li ser tîma xew jî got, "Par me dîrok nivîsîbe jî, eşkere ye ev ji bo me motivasyon e. Hedefa me ew e em bibin yek ji tîmên herî serketî yên dinyayê."

HERÎ ZÊDE
Di vê kûpayê de herî zede Real Madrid bi ser ketiye: 15 caran. Dûre Milan bi 7 caran, Bayer Munih û Liverpool bi 6 caran, dûre Barselona 5 caran ev kûpa girtiye.