Diyarname

PDK'ê îro berendamên xwe yên Serokatî û Serokwezîrî eşkere kirin. Li gor vê Nêçîrvan Barzanî ji bo Serokatiya Herêma Kurdistana Federe, Mesrûr Barzanî jî ji bo Serokwezîriya Herêmê hat destnîşankirin.

Berdevkê Partiya Demokrat a Kurdistanê (PDK) Mehmûd Mihemed îro ev agahî ragihand çapemeniyê. Piştî vê yekê wisa dixuye ku her du dê bibin xwedî rayeyên nû.

Nêçîrvan Îdrîs Barzanî di 21'ê rezbera 1966'an de ji dayik bûye û di sala 1999'an de bû Serokwezîrê Herêmê, paşê di sala 2011 û 2013'yan de bû serokwezîr û heta niha ev kar berdewam kir.

Mesrûr Mesûd Mistefa Barzanî jî di sala 1969'an de hatiye dinê. Ew di sala 2010'an de bû Endamê Polîtburoya PDK'ê, di sala 2012'yan de bû Serokê Encumena Asayîşa Herêma Kurdistanê û ji wê demê de ev karê xwe berdewam dikir.