Stranbêj Îbrahîm Tatlises, di der barê karkerên ku di şîrketa "Deştî Buheşt" ya li başûrê Kurdistanê ku ew jî şîrikê wê ye de, daxuyanî da.

Îbrahîm Tatlises bi telefonê li ANF geriya, taşeronên fîrmayê sûcdar kir û got: “Tu gunehê me nîn e. Em karkeran nas jî nakin. Ew karkerên fîrmaya taşaronan in”.

Tatlises diyar kir ku ew bi xwediyê Fîrmaya El Adel Unite Company Doktor Ruştu Seîd re şîrek e û diyar kir ku taşeronan pereyê karkeran nedaye.

Her wiha Tatlises ragihand kir ku wan jibo pereyê karkeran mîlyonek û 700 hezar dolar daye fîrmaya Metînler Înşaatê û got: “Ne me, fîrmaya taşeron karker xapandin.”

Tatlises diyar kir ku şîrketa Kayseriyan ya Metînler Înşaat dest ji kar berdaye û reviyaye û wiha berdewam kir: “Me ji berî çar mehan mîlyonek û 700 hezar dolar da. Karker yên vê fîrmayê ne. Jixwe ewê bi xwe bidin. Lê fîrmaya taşeron ji Iraqê reviya. Me li sînor ew qufaltin. Em wate nadin vê yekê ger karker me sûcdar bikin”.

Her wiha, Tatlises îdîa kir ku ew di mehekê de sê caran hatiye Hewlêrê, dema fîrmaya taşeron ji herêmê revî, wî pereyên karkeran ji kîsê xwe dane.

Tatlises got: “Ji bo karker di meha Remezanê de mexdûr nemînin, me pereyên wan dan. Me 340 hezar dolar da. Tenê 40 hezar dolar maye. Em ji berîka xwe didin. Ew pereyê ku mayî jî em ê bidin.”

EM Ê KARKERAN BIŞÎNIN

Tatlise got: “Min di jiyana xwe de derew nekiriye. Ji beriya 7 rojan neviyek min çêbû. Ez bi serê wî sond dixwim ku em tu kesî mexdûr nehêlin. Jixwe karkeran qet...” Tatlises got ku wan doz li Fîrmaya Metînler Înşaatê vekiriye.

Tatlise diyar kir wan 500 daîre firotine ku ji wan 200 jê vîlla e û ev yek lê zêde kir: “Şikir ji Xwedê re, niha di kaseya me de 10-15 mîlyon dolar hene. Karê me baş dimeşe. Jixwe em ê van karkeran bişînin. Hinek mirovên din bînin”.

***

Nûçeyên eleqedar:

- ‘Deşta Buheşt’a Tatlises li karkeran bû dojeh

- Her tişte ji bo pereyan e, kurdî jî