AMED
Piştî ku DAIŞ’ê êrîşên li dijî Kobanê zêde kir, partî, komele û saziyên kurd yên Amedê li banga seferberiyê kirin.
Li Cemiyeta Rojnamegerên Başûrê Rojhilat ya Amedê daxuyaniyeke hat dayîn û parlamentera Qersê ya HDP’ê Mulkiye Bîrtane, hevseroka DBP’a Amedê Zubeyde Zumrut, Serokê Giştî yê DDKD’ê Îmam Taşçier, nûnerên KCD'ê, Nûbihar Komele, OSP, Platforma Ozedonuş, Însiyatîfa Azadî, Hewldana Partiya Kurdistanê, PDK, KADEP û Med-Zehra tevlî daxuyaniyê bûn. Daxuyanî bi kurdî û tirkî hate xwendin.
Nûnerê Nûbihar Komale Rauf Çîçek axivî û diyar kir ku rêxistina terorê ya DAIŞ’ê ji aliyê hinek delwetan ve piştgiriyê digire, komkujiya li Şengalê li dijî êzîdiyan pêk aniye dixwaze li Kobanê jî vê yekê kûrtir bike.
TIRKIYE Û DAIŞ HEVKAR IN
Çîçek diyar kir ku Tirkiye bi rêxistina terorê DAIŞ’ê re di nava hevkariyê de ye û wiha dom kir: “Li gorî daxuyaniyên mîlîtanên rêxistina DAIŞ’ê, agahiyên di çapemeniya neteweyî û navneteweyî de eşkereye ku dewleta Komara Tirk bi vî çeteyî re di nava hevkariyê de ye. Ji ber vê jî di trajediya ku hatiye jiyîn de para Komara Tirk mezin e. Ji ber vê sedemê em Komara tirk vexwendiyê ku li gorî pêvajoya çareseriyê hereket bike, dikin."
BANGA PARASTINA KOBANÊ
Çîçek destnîşan kir ku êrîşên li dijî Şengal û Kobanê careke din nîşan daye divê yekîtiya neteweyî pêk bê û ev yek li gotinên xwe zêde kir: “Yekîtiya neteweyî peywireke lezgîn û jiyanî ye. Hemû partî û saziyên kurdan bi berpirsyariya dîrokî re rû bi rû ne. Em bang li hemû partî û saziyên siyasî yên kurd dikin ku yekîtiya xwe pêk bînin û bi rihê neteweyî Kobanî biparêzin.”
***
Nûçeyên eleqedar:
- Li Stenbolê bi hezaran kes ji bo Kobanî meşiya
- Ji bo Kobanî bang li endamên tenduristiyê hat kirin
- Aldar Xelîl bang li hêzên Başûr kir
- Mebûsên HDP'ê li sînor dest bi çalakiya rûniştinê kirin
- Irmak : Armanca me dengê Kobanê bigihînin dinyayê ye
- Mebûsa kurd ji Serokwezîrê tirk meseleya bi trênê çekbirina ji bo DAIŞ'ê pirsî
- Mebûsên kurd li ber NY'ê dikevin gireva birçîbûnê
- Turk: ‘Kobanî berxwe dide kesê piştgirî nede dijmin e’
- Demirtaş: Roj roja rûmetê, roja parastina pêşerojê ye
- Şer li kîjan aliyê Kobanî didome?