Diyarname
Di Lîga Şampiyonan a UEFA'yê de maça fînalê li Stada Puskas Arena ya li Budapeşteya Macaristanê hat lîstin. Tîma fransiz PSG bi penaltiyan bi ser ket û cara diduyan kûpa bir mala xwe.
Tîma Fransayê PSG (Paris Saind-Germain) û tîma Îngilistanê Arsenal ji bo kûpaya herî mezin a Ewropayê hatin hemberî hev. PSG par jî di vê kûpayê de bi ser ketibû û cara yekê kûpa girtibû. Her ku Arsenal e qet ev kûpa negirtibû. Di dawî de PSG bi ser ket û bû du caran ku ser hev de vê kûpayê digire.
Maçê bi heyecan dest pê kir. Arseral di deqîqeya 6'an de bi gola Havertz bi 1-0 derket pêş. Morquinhos li nêzî xeta nava sehayê xwest gogê bi dûr bixwe lê gog li reqîb ket û gog çû ket ber reqîbê wan Havertz. Havertz gog ajot heta nêzî keleha PSG'ê û ji çaprazê de lê da, encam guhart.
Di nîveka yekem de encam neguherî. PSG'ê di deqîqeya 65'an de PSG'ê penaltî bikar anî. Dembele gog û qeleparêz şandin aliyên cuda û encam anî 1-1'ê.
Di 90 deqîqeyê de encam neguherî, di 120 deqîqeyan de jî encam neguherî û maç çû serdema penaltiyan. Di vê demê de PSG'ê bi 4-3 di penaltiyan de bi ser ket û cara diduyan kûpa bir mala xwe.
Teknîk dîrektorê PSG'ê Luis Enrique berî maçê bi du rojan gotibû, "Par me dîrok nivîsîbe jî, eşkere ye ev ji bo me motîvasyon e. Hedefa me ew e em bibin yek ji tîmên herî serketî yên dinyayê." Û niha bi vê kûpayê dîrokek din li dîroka fûtbolê ya Fransayê, ya PSG'ê û li ya xwe kir.
PSG'ê par Kûpaya Lîga Şampiyonan girtibû, îsal jî bi ser ket: Bû du caran vê kûpayê digire.
**
Nûçeya Eleqedar:
.jpg)
.jpg)
