Diyarname
Îro Roja Devjêberdana Cixareyê ye û vaye ji we re agahiyek li ser cixareyê: Li dinyayê di her 3 saniyeyan de kesek ji ber bandora cixareyê dimire.

Li dinyayê yek ji tiştên herî zêde bandor li tenduristiya mirovan dike cixare ye. Cixare li hemû dinyayê dibe sedema nexweşiyan û mirinan.

Nexweşiya pişikê sedî 90, bronşîta kronîka bronşît sedî 75, nexweşiyên dil sedî 25'ê wan ji ber cixareyê çêdibin.

Yên ku qet cixareyê nakişînin sedî 3 di talûkeyê de ne ku bi nexweşiya qansêra pişikê bikevin lê di yên ku rojê pakêtek cixareyê dikişînin de ev rêje sedî 61 e. Yên ku 1-2 pakêtan dikişînin de ev rêje sedî 217 ye. Li gor van encaman li dinyayê di her 3 saniyan de kesek ji ber cixareyê dimire.

9'ê Reşemiyê wekî Roja Devjêberdana Cixareyê ya Dinyayê ye û di vê rojê de li hemberî xirabiyên cixareyê gel tê hişyarkirin.

Vana hin agahiyên din ên li ser cixareyê:
- Li dinyayê 1.1 mîlyar kes cixareyê dikişînin.
- Li hemû dinyayê salê 10 mîlyon kes ji ber nexweşiyên ku titûn dibe sedema wan dimirin.
- Li Tirkiyeyê nêzî 17 mîlyon kes cixareyê dikişînin.
- Li Tirkiyeyê salê de 100 hezar kes ji ber nixweşiyên ku cixare dibe sedema wan mirov dimirin.
- Di nav welatên ku herî zêde cixare dikişînin de Çîn di rêza yekemîn de ye, Tirkiye di rêza 10'emîn de ye.
- Di her cixareyeke ku tê kişandi de ew kes di navbera 500 hezar û mîlyon û 500 hezar heb madeyên bi jehr dikişînin nava xwe.
Li Tirkiyeyê sedî 8.4'ê ciwanan, sedî 34.6'ê salmezinan cixareyê dikişînin.