Diyarname
Piştî konsera Rockê, vê carê konsereke bi navê "Stranên me ji bo Wanê ne" li dar dikeve.
Konsera ku dê li Navenda Kongre ya Stenbolê ya li Salona Harbiyeyê li dar bikeve de bi ser 20 hunermendî re dê beşdar bibin.
Konser roja 3'yê sermawezê, roja pêncşemê saet 20.00'an de dest pê dike. Bilêtên konserê bi 50 û 100 TL'yî têne firotin.
Di konsera ku dê Oktay Kaynarca û Songul Oden pêşkêşvaniya wê bikin de hunermendên wekî  Arif Sag, Arzu, Belkis Akkale, Can Dundar, Cengiz Ozkan, Edip Akbayram, Erdal Erzincan, Gulay, İzzet Altinmeşe, Kerem Alişik, Mazlum Çimen, Melike Demirag, Mercan Erzincanli, Onur Akin, Sevcan Orhan, Suavi, Tolga Sag, Volkan Konak, Yavuz Bingol, Yeni Turku, Zara û Zulfu Livaneli dê derkevin ser dikê û stranên xwe ji bo Wanê bistrên. Hemû pereyên ji konserê bêne bi dest xistin ji bo bi rêya Kiziliyê dê ji bo Wanê bêne şandin.

Konsera Rockê 500 hezar TL kom kir

Di konsera "Ji bo Wanê Rock" ku roja 30'ê kewçêrê li dar ket de 500 hezar TL pere hat bi dest xistin.
Konsera ku Aylin Aslim, Mor ve Otesi, Mogollar, Haluk Levent, Demir Demirkan, Emre Aydin, Feridun Duzagaç, Kurban, Model, Duman, Ogun Sanlisoy, Redd, Hayko Çepkin, Şebnem Ferah û Yüksek Sadakat jî di nav de li dor 40 kom û kes beşdar bûbûn de li dor 14 hezar heb bilêt hatibûn firotin. Her wiha wê demê Rock hat nivîsîn û SMS jî hatin şandin. Bi giştî ji vê çalakiyê 500 hezar TL hat bidest xistin.