Diyarname
Li Wanê piştî erdehejê re Şaredariyên BDP'ê seferber bûn. Şaredariya Sêrdê ya BDP'ê kamyonek malzeme şand û yeka din jî di rê de ye.
Piştî erdheja Wanê, Şaredariyên BDP'ê û KCD ketin nav seferberiyê. Şaredariya Bajarê Mezin a Amedê, Şaredariya Sûr, Yenîşehîr, Kayapinar û Baglarê ji bo rizkarkirina mirovan ekîb şandin, li wê derê metbexet seyar saz kirin, kon danîn, malzemeyên wekî betanî şandin, odeyên ku gel xwe têde germ bikin ava kirin û malzemeyên tenduristiyê şandin.
Şaredariya Bajarê Mezin a Amedê saet li dor 16'an koma lêgerîn û rizgarkirinê, vîdanjor, kepçe, qamyon şand Wanê.
Piştî vê Şaredarê Bajarê Mezin ê Amedê Osman Baydemîr tevî konvoya şaredariyê ku di konvoyê de kon, metbexa seyar, malzemeyên tenduristiyê hebûn ber bi Wanê ve ket rê.
Her wiha Baydemîr bang li gel kir ku bi taybetî betanî, kincên zarokan, sobe, kon, nivîn, palto, pêlav, xurek û tiştên bi vî rengî dikarin bidin ser hev û ji bo alîkariya waniyan ragihînin şaredariyê.
Şaredariya Sêrtê jî komek ji 100 kesî pêk hatî ji bo rizgarkirina kesên di bin erdhejê de şand, pêre jî kamyonek tije malzeme şand. Kamyoneke din jî di rê de ye.
Her wiha Şaredariya Misircê jî 2 kebçe, qamyonek, kon, betaniye û xurek şand. Li navçeyê jî kampanyaya alîkariyê da dest pê kirin.
Uçed: Dewlet tiştek nake
Di vê navberê de endamê Lijneya Kordînasyonê yê KCD'ê û mebûsê BDP'ê yê Wanê Ozdal Uçer wisa got: "Di daxuyaniyeke çapemeniyê ya herî biçûk de jî bi hezaran polîs û panzer dikevin dewrê lê li vê derê dewlet meseleyê hel nake."
Uçer got ku em nikarin xwe bigihînin maseya qeyranê û rayedarên dewletê û wisa gotm kir: "Gelek avahî hilweşiya ne û gelek birîndar di binî de hene. Gelê vê derê bi derfetên xwe ji bin erdhejê derdikeve. Yên ku ji bin erdhejê derdikevin alîkariya yên din dikin."
***
Nûçeya eleqedar:
- Saet 19.00: Li Wanê hejmara miriyan zêde dibe
- Şaredarê Erdîşê: Em bi lezgînî li benda alîkariyê ne
- Dîroka erdhejên ku li Wanê pêk hatine
- Saet 16.00: Agahiyên dawî li ser erdhejê
.jpg)
