Diyarname

Çîkew rehet niyo ke merdim beşko tam bi temamî 800 golan berzo... Û bi ene joy biko miyanê tarîxey dinya, di tarîxe de bibo fûtbolkaro yewîn ke temane teno 800 golî eyştê.

Ma qalê kaykerdoxê Manchester Unitedî (MU) Cristiano Ronaldo kenê. 2'yê aşme de MU'yî tîmê Arsenalê kerd meyman û bi 3-2 ew şirawit keye. Di maçe de Ronaldoy di deqey 52 û 70'yinan de di golî eyştî. Bi gola yewîne bî 800 gole ke ew erzeno û bi a diyinan bî 801 golî.

Her çiqas îdîaya hîrê tenan 800 zêdeyêrî golî eyştê bibo zî bi awayke fermî yeno qebûlkerdiş ke Ronaldo tenî sînorê 800 derbas kerdo.

Di şewey 2'yê aşme de Ronaldo veciya maçey xo ya 1097'inan. Heta enka ê formay 4 tîman daw xo ra û helbet formaya Tîma Neteweyî ay Portekîzî zî. Ronaldo di tîmê Sporting de 5 golî, di tîmê MU de 131 gol, di tîmê Real Madridi de 450 gol û di tîmê Juventusî de 101 golî eyştî.

Ronaldo di Lîgê Şampiyonan, Real Madrid, di tîmê neteweyî de teno ke tewr zêde golî eyştê yo.

10 KAYKERDOXÊ KE ZEHF GOLÎ EYŞTÊ

Dimay Ronaldo kaykerdoxo verîn Pele bi 765 golan yeno û Romairo jî bi 753 golan di rêzey hîrinan de wo. Heta rêzey desinan rewş bi enî awayo:

1- Cristiano Ronaldo: 801 golî. (2002-heta eyro)

2- Pele: 765 801 golî. (1957-1977)

3- Romario: 753 801 golî. (1985-2007)

4- Lionel Messi: 748 801 golî. (2004-heta eyro)

5- Frenc Puskas: 729 801 golî. (1943-1966)

6- Josef Bican: 720 801 golî. (1931-1955)

7- Jimmy Jones: 647 801 golî. (1947-1964)

8- Gerd Muller: 634 golî (1964-1981)

9- Eusebio: 622 801 golî. (1958-1981)

10- Joe Bambrick: 616 801 golî. (1926-1943)