Diyarname
Şaredariyên BDP'ê seferbûn, lê hê jî pêdivî bi gelek alîkariyê heye. Vane hin agahiyên dawî li ser erdehê:

Alîkariyên BDP û KCD'ê

Ji bo erdhejê KCD û BDP seferber bûn. Hemû şaredariyên BDP'ê, mebûs û Hevserokê BDP'ê Selahattin Demirtaş heta serê sibê tax bi tax geriyan, betanî belav kirin. Bi tankêran av birin dan gel. Her wiha çûn serdana gundên ku erdhej li wan deran çêbûn.

Erdîş

Li Erdîşê hê jî di bin erdhejê de mirov hene. Komên rizgarkirina mirovan ji bin erdhejê têrê nakin. Gel Erdîşê bi şev li derve ma.
Li Erdîşê 80 avahiyên ku her yek çend qat hatibûn lêkirin hilweşiyan. Hê jî di 40'ê wan de mirov hene û xebatên rizgarkirinê didomin.

Hejmara Miriyan

Li gor agahiyên ku heta vê sibê hatin li Wan û Erdîşê di erdehjê de 217 kesî jiyana xwe ji dest daye û 1090 kes jî birîndar e. Li Bedlîsê jî zarokek termê wê ji bin avahiya hilweşiyayî derxistin.

CNN International bal kişand ser Gola Wanê

Pisporê metorolojî yê CNN INternational Reynold Wolf, got ku di 10 salê dawî de ev erdheja herî mezin e ku li Tirkiyeyê pêk tê û bal kişand ser Gola Wanê ku dibe pêla avê bilind bibe. Li ser vê yekê jî gelê derdora golê hişyar kir.

Rewşa hewayê

Piştî erdhejê hê cihek ku gel lê bimîne nîn e, hişyariyeke jî ji meterolojiyê hat.
Metorolojiyê got ku îro herêm germ e lê sibê dê baran dest pê bike û roja çarşemê jî li bendê ne ku berf bibare. Pêre jî asta germê dê dakeve heta asta sifirê.