Stenbol
Li girtîgeha Îmraliyê ji bo girtiyan bi kurdî axivîn qedexe ye.

Li gor nûçeya Ajansa Nûçeyan a Dîcleyê (DÎHA) li Îmraliyê Abdullah Ocalan, Şeyhmuz Poyraz, Cumali Akarsu, Hakki Alpan, Hasbi Aydemîr û Bayram Korkmaz nikarin di navbera xwe de û bi malbatên xwe re bi kurdî biaxivin ji ber ku rayedarên girtîgehê qedexe kiriye.
Nûçe dibêje ku hem pêşî li axaftina wan a bi kurdî tê girtin, hem jî nahêlin girtî bi kurdî nameyan bişînin, weşanan bixwînin.

Li ser vê yekê Mebûsa BDP'ê ya Wanê Aysel Tugluk got ku Serokwezîr Recep Tayyip Erdogan dibêje tu astengî li pêşiya kurdî nemaye lê di gotin û kirinê de cudahî heye.
Tugluk wisa dom kir: "Zagon ji bo çareseriya pirsgirêkan têne amadekirin, lê zagonên heyî dev ji çareserkirina pirsgirêkan jî berdin, ji bilî afirandina pirsgirêkan bi kêrî tiştekî nayên. Pirsgirêk di zagonan û kesên zagonan bi cih tînin de ye."