Diyarname
Ev jî çûbû: Li Tirkiyeyê qeyrana pereyên dolar ên sexte derket holê. 
Va ne agahî:
- Kurtedemek berê hatibû ragihandin ku gelek pereyên sexte yên 50 dolar hene, ji ber vê yekê ofîsên dovîzê 50 dolar ne dida, ne digirt.
- Îro eşkere bû ku gelek pereyên sexte yên 100 dolarî jî ketine piyaseyê.
- Li Stenbolê 'Kapaliçarşi' heye ku piranî navenda pereyên biyanî ew der e. Kapaliçarşiyê li ser pereyên sexne ket nava tevgerê. Li her derê afîşên pereyên sexte daliqandin.
- Ofîsên dovîzan jî biryar dan ku îro dolar negirin û nefiroşin. Bi taybetî dê pereyên ku 50 û 100 dolar in negirin.
- Îdîa ew e ku li derveyî Tirkiyeyê dolarên sexte hatine çêkirin û ew xistine piyaseya Tirkiyeyê.
- Tê gotin ku wisa xweşik çêkirine, makîneyên jimartina pereyan jî ev sexteyiya wan fêm nake, dijmêre. Piyase dixwaze li hemberî van pereyên sexte ev manîke û ATM bêne nûkirin.
- Li gor agahiyê li piyaseyê 600 mîlyon dolar ev pereyên sexte digerin. Îdîa ew e ku dibe ev reqem mîlyarek dolarî debas bibe.
- Serdozgeriya Komarê ya Stenbolê li ser vê yekê lêpirsîn da destpê kirin.
- îdîa ew e ku pere ji sînorê "başûrrojhilat"ê Tirkiyeyê bi qaçaxî xistine nav welat: Lê di heman demê de tê gotin ku ev pereyên sexte yekem car li cihên tûrîstin ên wekî Antalya, Îzmîr, Entab û Stenbolê hatine bikaranîn.
- Li aliyê din Serokê TUYEMDER'ê (Komeleya Ofîsên Dovîzê û Hemû Saziyên Rayedar) Mehti Şeren daxuyanî daye û gotiye "Gotina dolarên sexte ya li piyaseyê bi temamî derew e."