Diyarname
Li Almanyayê lîga wan a fûtbolê ya herî mezin Bundesliga ye. Niha tîma Union Berlin ku di Bundesligayê de dilîze cara yekê tîm teslîmê teknîk dîrektoreke jin kir. Teknîk dîrektor Marie-Louise Eta wê Union Berlinê bi rê ve bibe. Di 5 lîgên herî mezin ên Ewropayê de ev dibe cara yekê jinek tîmî bi rê ve dibe.
Union Berlin di hefteya 29'an de bi 32 pûanan di rêza 11'an de ye. Li Bundesligayê 18 tîm hene. Klûbê vê hefteyê peymana teknîk dîrektor Steffen Baumgart betal kir û tîm teslîmê Marie-Louise Eta kir. Bi vê yekê li Bundesligayê dîrokek nû nivîsî. Heta niha tu jinek li Bundesligayê nebûbû teknîk dîrektorê tîmê.
Li gor nûçeya BBC teknîk dîrektor Eta di sermaweza 2023'yan de li Bundesligayê bûbû yekem cîgira teknîk dîrektor û niha jî gavek nû avêt.
Piştî peymanê Eta wisa gotiye:
- Dema em li tîmên ji ber jêrtir dinêrin ku hemû dixwazin ji lîgê nekevin, cihê me ne bi ewle ye.
- Ji ber ku ev peywira giran dane min ez dilxweş im. Ez bawerim emê pûanên baş bi dest bixin.
Teknîk dîrektor Eta di sala 2018'an de dema lîstikvan bû dest ji fûtbolê berdaye. Piştî vê li Werder Bremenê tîma ji yên 15 salî jêrtir bi rê ve biriye. Paşê tîma U19 ya Almanyayê bi rê ve biribû.
