Diyarname

Kovara wêjeyî û çandî Şermola ku bi du zimanan, bi kurdî û erebî derdikeve hejmara xwe ya 10’emîn pêşkêşî xwendevanên xwe kir.

Kovara Şermola li Rojava derdikeve her sê mehan carek derdikeve û niha hejmara xwe ya bihara 2021’ê derxist. Di vê hejmarê de dosyaya xwe bi sernavê “Girîngiya Şanoyê” amade kiriye û di vê çarçoveyê de nivîs pêşkêş kirine. Edîtoriyê li ser dosyayê wisa gotiye: “Ji ber şano di pêşketi û şaristaniya neteweyan de xwedî girîngiyeke taybet e, her wisa ew amûreke ronîkirin û rexnekirinê ye û di vejandina raman û çandê jî xwedî rol e.”

Ji nivîsên li ser şanoyê Beşîrê Mele Newaf mijara “Girîngiya Şano û Dîroka Wê Li Kurdistanê”, Şama Mihemed jî mijara “Şîrovekek Der Barê Şanoya Promisyosê Zincîrkirî De” girtiye dest. Her wiha di vê çarçoveyê de Aram Hesen ligel şanoger û derhênerê şanoyê Şalîko Bêkes hevpeyvînek kiriye.

Ji bilî van nivîsa Abdullah Ocalan “ Mêtîngerî hunerê jî înkar dike”, nivîsa Diyar Bohtî “Xanî û Nêrîna Wî Ya Li Ser Pêdiviya Rêbertiyê”, nivîsa Nejbîr Elî “Pergala Hevserokatiyê”, nivîsa Fatma Ehmed “Ez insan im”, nivîsa  Lîlav Îsa “Rastiya Şoreşê” û nivîsa Şerîf Mihemed û welîd Bekir a bi navê “Gundê Hecqasma” hatine weşandin.

Welîd Remzî bi wergerek ji erebî, Rûken Hisenê bi çîrokek, Hozanê Girkundê, Karîna Osêyan, Hişyar Murad, Cemîl Xoce û Şivîn Hecî jî bi helbestên xwe di kovarê de cih girtine. Di kovara 194 rûpelî de nivîsên li ser danasîna pirtûkan jî cih girtine

Ji bo têkilî:

shermola2018@gmail.com