Diyarname

Maça Fînalê ya Lîga Şampiyonan dê li bajarê Cardiffa Gallerê di navbera Real Madrid û Juventusê de bê lîstin. Ji bo maçê ewlehiyek gelek mezin hatiye girtin.

Serokê Federasyona Fûtbolê ya Gallerê li ser meseleyê wisa gotiye: "Ji bo sporek di dîroka Brîtanyayê de heta niha ewlehiyek wisa mezin nehatiye sazkirin."

Piştî ku roja 22'yê gulanê li derveyî Manchester Arenayê piştî konserek êrîşek întîxarî çêbû û 22 kes mirin, ji bo vê maçê ewlehiyek mezin hatiye sazkirin. 

Li gor daxuyaniya federasyonê di navbera 1-4'ê mehê dê ewlehî bidomin

Li gor federasyonê ev ewlehî hatine girtin:

- Kesek bi çente dê negirin nav sehayê.

- Ji bo ewlehiyê serê baneyê stadê tê girtin.

- Kapasîteya stadê li gor 74 hezar û 500 kesiye lê daxistine 66 hezar kesî. Tenê dê 66 hezar temaşevanî bigirin nav sehayê.

- Rêyên ku ber bi stadê ve diçin roja maçê dê hebû girtîbin.

- Gotine temaşevan herî hindik divê du saet berê werin maçê.

- Roja maçê dê 1500 polîs bêne peywirdarkirin.

Li benda 200 hezar mêvanan in

Li aliyê din bajarê Cardiffê di bin navê "Festîvala Lîga Şampiyonan" de li bendê ye 200 hezar mêvan bên bajêr. Di nav çalakiyên dê bikin de roja 2'yê mehê dê maça "stêrkên malnişînbûyî" ya fûtbolê jî bê lîstin.

Her wiha dê lîstikvanê Barselonayê yê berê Gaizka Mendieta roja 3'yê mehê "Perfarmansa DJ" çêbike.