Diyarname
Îro çapemeniyê agahî belav kiriye ku teknîk dîrektorê Manchester City Pep Guardiola ji MC'yê vediqete û wê Enzo Maresca bînin cihê wî. Nûçe dibêjin klûbê ji bo 3 salan ligel Maresca Peyman girê daye.

BBC li ser vê yekê nüce belav kiriye. Peymana Pep Guardiola heta sala 2027'an bû, lê nüce dibêje ku Guardiola piştî maçê ligel Bournemouth (îro dilîze) û Aston Villa (hefteya bê) wê ji klûbê xatir bixwaze.

Li gor nûçeya The Athletic jî klûbê ligel teknîk dîrektorê îtalî Enzo Maresca ji bo 3 salan li hev kiriye. Di vî warî de klûbê hê tu daxuyaniya fermî nedaye.

Enzo Maresca berê di MC'yê de cîgirê Guardiola bû. Paşê veqetiya û tîmên wekî Leicester City û Chelsea bi rê ve birin. Maresca di serdema 2023-24'an de tîma Leicester City kiribû şampiyonê Championshipê û ew anîbû Premier Lîgê. Paşê sala 24'an bû patronê Chelsea. Wî ligel Chelsea Kûpaya Lîga Konferansê ya UEFA'yê (2024/25) bi dest xistibû. Îsal serê salê ew ji Chelsea hat qewirandin.

GUARDIOLA LI MC'Ê DÎROK NIVÎSÎ
Guardiola di sala 2016'an de li Manchester City dest bi kar kir. Di 10 salan de li MC'yê 20 kûpa girtin û dîrok nivîsî.
Va ne kûpayên ku wî li MC'yê girtin:
- 6: Premier Lîg
- 5: Kûpaya Lîgê
- 3: FA Cup
- 3: Community Shield
- 1: Lîga Şampiyonan a UEFA'yê
- 1: Kupaya Super a UEFA'yê 
- 1: Kûpaya Klûban a Dinyayê