Amed

Hevserokê DEM Partî Tuncer Bakirhan di Newroza Amedê de bi 6 xalan bang li hikumet û muxalefetê kir.

Va ne ew xal:

1- Ji bo dewlet û desthilatdariyê: Bi şer, bêstatu, bi girtinê hûn nikarin vî gelî ji reya wê vegerînin. Va ye meydan. Em dixwazin îtîfaqa kurd û tirkan bi awayekî demokatîk ji nû ve saz bikin.

2- Banga me ji bo desthilatdarî û civaktê ye. Li pêş Tirkiyeyê du rê hene, yan wekî ev dibêjin şer û pevçûn, yan jî rêbaza demokratîk û aştiyane. Loma jî em bang li civakê dikin ku Têkoşîna aştî û demokrasiyê xurt bikin, li ser vê rêyê bimeşin.

3- Serê pêşî gotinên hûn li meclisê dibêjin wekî 'zimanê nayê fêmkirin, terorîstan', hûnê dest ji vî zimanî berdin. 13 hezar sal in li ser vê axê zimanê ku em diaxivin kurdî ye. Cihê hûn dibêjin 'Terorîstan' ev der Kurdistan e ku kirine çar parçe. Dest ji vê siyaseta xwe berdin. Hûn mecbûr in rastiya kurd û Kurdistanê nas bikin.

4- Ez bang li yên diecibin, bang li muxalefetê dikim. Di warê pirsgirêka kurd de dilpola bin. Rastiyan bînin ziman. Li cem zordarî û tunehesibandina desthilatdariyê nesekinin; em wekî muxalefet hê zêdetir xwedî li pirsgirêka kurd, meseleya demokrasî û azadiyê bisekinin. Li hemberî şerxwazan em bingeha aştiyê saz bikin.

5- Banga min ji bo kurdan. Ji Hewlêrê heta Kobanî, heta Ûrmiye û Amedê, li van deran tenê Kemal Kurkut nayên kuştin. Li Silêmanî, li Duhokê, li Kobanî û Qamişloyê jî bi ser kurdan de top û guleyan dibarînin. Loma jî ew ne tenê neyarên DEM Partiyê ne, ew neyarên hemû kurdên li çar parçeyan in. Ji bo vê yekê ez bang li kurdên çar parçeyan dikim, niha dem dema Yekîtiya Neteweyî ye. Niha nebe kengê? Em yekîtiya xwe saz nekin emê çawa dijî vê operasyona mezin bisekinin, emê çawa pêşî li vê şerê dijî kurdan bisekinin? Ji îro de, bi leztir divê yekîtiya neteweyî ya kurdan bê sazkirin, astengiyên li pêşiya yekîtiyê bêne rakirin.

6- Banga min a dawî li şoreşger, çepgir û sosyalîstên Tirkiyeyê ye, li gelê feqîr ê ijî vê faşîzmê disekine ye; Em mecbûr in bingeheke xurt a têkoşîna hevpar saz bikin. Nîvê Tirkiyeyê di bin sînora birçîbûn û feqîriyê de dijî. Nîvê wê nikare zimanê xwe bikar bîne, baweriya xwe bîne cih. Ji bo daxwaza van hemûyan li ser asta têkoşîneke demokratîk bê cih, divê çep û çepgir li ser asta demokrasiyê bêne ba hev.

Di dawiyê de Bakirhan li ser hilbijartinê jî sekinî û got ku roja 31'ê adarê emê dengek rekor li Amedê bigirin.

***

Nûçeyên Eleqedar:

- Leyla Zana: Em îradeya xwe nadin kesî 

- NEWROZ pîroz bo/be 

- Weşanxaneyên kurdan ji bo Newrozê kampanyaya erzaniyê 

- Hevserokanê DBP û DEM Partî qeybî Newrozê Amedî veynda 

- Piştî taloqkirinê roja Newroza Cizîrê diyar bû 

- Li bajar û navçeyan bi sed hezaran kes li qadan bû

- Li ser Sûran bi erbena û meşaleyan Newroz pîroz kirin 

- Bajar bi bajar hunermendên wê beşdarî Newrozê bibin   

MAIL: diyarname@diyarname.com