Diyarname
Di Lîga Ewropayê ya UEFA'yê de sê kûpa hene. Kûpaya mezin Kûpaya Lîga Şampiyonan e. Dûre kûpaya duyem Kûpaya Lîga Ewropayê û paşê ya Lîga Konferansê tê. Di fînahla Kûpaya Lîga Ewropayê de Aston Villa tîma Freiburgê bi 3-0 têk bir û gihîşt mirazê xwe. Fînalên din ya Lîga Konferansê 27'ê mehê, ya Lîga Şampiyonan jî 30'ê mehê tê lîstin.

Maça fînalê li Beşiktaş Parka Stenbola Tirkiyeyê hat lîstin. Tîma îngilîz Aston Villa û tîma alman Freiburg hatin hemberî hev.
Di maça ku Villa serdest bû de her du golên wan ên pêşî di 5 deqeyan, deqe 40'î de Youri Tielemans avêt, deqe 45+2 de jî Emiliano Buendia avê. Morgan Rogers deqe 57 de encam diyar kir: 3-0.
Di temamê maçê de Villa di lêdana Şûdê de bi 16-6, di şûtên bi îsabet de 8-3, di pasên bi îsabet de sedî 87-84, di bikaranîna korneran de bi 8-1 serketî bû. Loma jî zêdetir kûpa heq kir.
Li aliyê di Freiburgê tîmeke mutewazî ya bajarekî biçûk e û hatina wê ya heta vir serketinek mezin e. Freiburg cara yekê ye di vê kûpayê de derdikeve fînalê.
Her ku Aston Villa ye li Îngilistanê çaremîn tîma ku li welatê xwe zêde kûpa girtiye ye. Aston Villa di sala 1981-82'yan kûpaya mezin Kûpaya Lîga Şampiyonan jî bi dest xistibû. Villa heman salê Kûpaya Super a UEFA'yê, di sala 2001'ê de jî Kûpaya Intertoto ya UEFA'yê jî girtibû. Ew cara yekê ye kûpaya Lîga Ewropayê digire.

EMERY BÛ 5 CARAN VÊ KÛPAYÊ DIGIRE
Teknîk dîrektorê Aston Villa Unai Emery hin notan heq dike: Emery di sala 1971'ê de li Herêma Baskê li Gipuzkoa ya Hondarribiayê hatiye dinê. Zimanê baskî wekî zimanê diya xwe qebûl dike û bi wê diaxive. Ew di dema lîstikvaniya xwe de di tîmên wekî Real Sociedad, Toledo, Deportiva de lîstiye heta 2004'an. Heman salê dest jê berdaye û li heman tîmî bûye teknîk dîrektor. Dûre bi rêzê çûye Almeria, ji wir Valencia, Spartak Prag, Sevilla, Paris Saint Germain, Arsenal, Villareal û di sala 2022'yan de bûye teknîk dîrektorê Aston Villa.

SERKETINÊN WÎ
Wî di Sevillayê de sê caran ser hev de (2013-16) kûpaya Lîga Ewropayê ya UEFA'yê girt. Ev yek hem ji bo wî hem ji bo Sevillayê girîng bû; ji ber ku bi vê hem ew, hem Sevilla tekane tîm e 3 caran sev hev de vê kûpayê digire. Emery di sala 2020'î de ligel Villarealê Kûpaya Lîga Ewropayê girtibû. Bi vê kûpayê re jî bû 5 caran vê kûpayê digire.
Di vî warî de rekor di destê Emery de ye. Piştî wî teknîk Dîrektor Giovanni Trapatoni bi 3 caran, ev teknîk dîrektor jî her yek bi du caran tên: Diego Simeone, Jose Mourinho, Rafael Benítez, Juande Ramos, Luis Molowny. 

FÎNALÊN DIN TÊN
Di Lîgên UEFA'yê de fînala maça Lîga Konferansê roja 27'ê vê mehê li Red Bull Arena ya Leipzinga Almanyayê tê lîstin. Tîma îngilîz Crystal Palace û tîma spanyolî Rayo Vallecno tên hemberî hev.
Di Lîga Şampiyonan de jî tîma fransiz PSG û tîma îngilîz Arsenal li Puskas Arena ya Budapeşteya Macaristanê têne hemberî hev.
Her du maç jî saet 22.00'an de dest pê dikin.