Diyarname
Li Îngilistanê şampiyoniya Premier Lîgê wisa ne karê her kesî ye. Arsneal ku yek ji tîmên mezin e, encax karî piştî 22 salan bibe şampiyon. Lê heq kirin.

Pep Guardiola di sala 2016'an de li Manchester City (MC) hat ser kar. Ji wê rojê heta niha tam 6 caran bû şampiyon. Dîsa di vê 10 salên dawî de carek Liverpool, care Chelsea û carek niha encax Arsenal.
Pep Guardiola mohra xwe li van 10 salên dawî yên Premier Lîge dabû, lê di van du salên dawî de nekarî bibe şampiyon ku par Liverpool û îsal jî Arsenal bû şampiyon.

Arsenal ê niha şampiyon îsal heq kir. Erê bû 22 sal, ev 22 sal in alîgirên wê li benda vê rojê bû, lê di dawiya dawî de gihîştin mirazê xwe.

Di Premier Lîga ji 20 tîman pêk tê maçên hefteya 37'an hatin lîstin. Arsenalê li mala xwe Burnley bi 1-0 têk bir. Tîma duyem MC li hemberî Bournemouthê 1-1 ma; vê encamê berî lîg xilas bibe bi hefteyek şampiyoniya Arsenalê ragihand.

Di dawiya hefteya 37'an de Arsenal bi 82 pûanan bû şampiyon. Het niha di 25 maçan de bi ser kek, 5 maçan de têk çû û di 7 maçan de wekhev ma. Arsenalê bi temamî 69 gol avêtin û li hemberî vê 26 gol xwarin.

ARTETA BI SER KET
Teknîk dîrektorê Arsenalê Mikel Arteta ji Spanyayê ye û roja 22'yê berfanbara 2019'an li Arsenalê hat ser kar. Heta wê rojê ji sala 2016'an ve li Manchester City cîgirê teknîk dîrektor Pep Guardiola bû. 
Arteta her ku çû xwe pêş xist, taktîka xwe pêş xist, tîma xwe zeximtir kir.
Di van salên li Arsenalê de du caran kupaya Community Shieldê (2002, 2023) û carek jî kupaya FA Cupê (2020) girt. Arteta cara yekê li Premier Lîgê dibe şampiyon. Lê ev du sal bû lîg wekî duyem temam dikir, cara sisêyan bû şampiyon.
Li aliyê din Arnesal niha di Lîga Şampiyonan a UEFA'yê de jî di fînalê de ye; 30'ê vê mehê di fînalê de ligel PSG'ê dê bilîze. Li wir jî bi ser bikeve Arteta dê dîrokek nû li dîroka xwe bike.