Diyarname
Festîvala fîlman a payîzê “Filmekimi” ku ji aliyê ÎKSV’ê ve li Stenbolê tê li dar xistin dest pê kir. Di “Fîlmekîmî”ya îsal de 40 fîlmên fîlmên nû yên biyanî têne nîşandayîn.

Fîlmekîmî ku îsal cara 10’an lidar dikeve û yekemîn car bêyî sporsorek wê hebe li dar dikeve di 170 seansan de nêzî 40 fîlmî pêşkêş dike. Fîlm heta 15’ê mehê li salonên wekî Atlas û Beyoglu yên li Beyogluya Stenbolê, li Nişantaşi City ya li Nîşantaşi û li Cinebonus Maçka G-Mall a li Maçkaya Stenbolê têne nîşandayîn.

Bilêtên fîlman îsal li Îzmîrê 10 Tl û 8 TL (yên erzan), li Bursa, Konya û Trabzon 8 TL û 5 TL (yên erzan) û li Amedê jî 5 TL û 3 TL (yên erzan) ne.
Li Stenbolê jî nava hefteyê (di seansên 1.00, 13.30, 16.00) bilêt bi 5 TL, seansên nava hefteyê yên 19.00 û 21.30 û dawiya hefteyê hemû de bi 14 TL û 8 TL (yên erzan) têne firotin. Di 1'ê rezberê de dê dest bi firotina fîlman bê kirin.

Di Fîlmekîmîya îsal de jî gelek fîlmên derhênerên navdar hene. Ji derhêner Cefer Penahî bigire heta Steven Soderbergh, ji drei Zvyagintsev heta Lars von Trier gelek derhênerên navdar bi fîlmên xwe dibin mêvanên Stenbolê.

Fîlmekîmî diçe Amedê

Her wiha nûbûneke din a ku Fîlmekî kiriye jî ev e ku festîval îsal ne tenê li Stenbolê li bajarên wekî Amed, Îzmîr, Bursa, Konya û Trabzonê jî tê li dar xistin. Van bajaran ne hefteyekê tenê du rojan li dar dikeve û hin fîlmên hilbijêr ên Fîlmekîmî dê bên nîşandayîn. Li gor vê bernameyê, Fîlmekî di navbera 13-16’ê kewçêrê de li Îzmîr, di navbera 20-23’yê kewçêrê de li Bursa û Konya, di navbera 27-30’ê mehê de jî li Amed û Trabzonê derdikeve pêşberî sînemahezan.

Ji bo fîlman û seansên wan:
http://filmekimi.iksv.org

***

Nûçeya eleqedar:

- ‘Fîlmekîmî’ di 10 saliya xwe de li 6 bajaran e