Amed
Weqfa Mezopotamyayê, bi minasebeta çapkirin û danasîna “Ferhenga Rastnivîsînê” û parvekirina xebatên xwe yên akademîk, li Qonaxa Cemîl Paşa ya navçeya Sûrê resepsiyonekê li dar xist.
Hevşaredarê Bajarê Mezin ê Amedê Dogan Hatun, hevşeredara Sûrê Fatma Gulan Onkol, gelek nivîskar, rewşenbîr, lêkolîner, zimanzan û nûnerên saziyên sivîl û çandî tev li resepsiyonê bûn.

Berhema ked û nîqaşên 7 salan e
Komîsyona Rêziman û Rastnivîsînê ya Weqfa Mezopotamyayê ji bo vê berhemê 7 salan lêkolîn û xebat meşandin. Di vê pêvajoyê de 10 atolyeyên cuda yên berfireh hatine lidarxistin û nêzî 30 zimanzan, nivîskar û akademîsyen li ser her peyv û pênaseyê bi hûrgilî sekinîne.

Di resepsiyonê de Seroka Weqfa Mezopotamya Gevriye Atli axivî û bal kişand li ser ziman, bingeha neteweyî û çandî. Atli wisa got: “Her gel bi zimanê xwe dijî û bi zimanê xwe dide naskirin ji ber wê jî rastnivîs girîng e.”

Hevşaredar Dogan Hatun jî axivî û got: “Ev gelek sal in heval li ser vê ferhengê dixebitin. Ji bo standartbûyîna zimanê kurdî ya li çar parçeyê Kurdistanê û diasporayê jî   li hev kirin.  Ji vir û pê ve ev ferhengê wê rêya kesên li ser zimanê kurdî dixebitin berfireh bike.”

Edîtorê Ferhenga Rastnivîsê Bahoz Baran jî di bernamêde axivî û qala ferhengê, xebatên Weqfa Mezopotamyayê kir.

Bername bi nîşandana sînevizyonê bi dawî bû.
AW

Seroka Weqfa Mezopotamyayê li ser qîmeta rastnivîsê sekinî, edîtorê Ferhenga Rastnivîsê Bahoz Baran jî qala xebata ku heta niha kirine, kir.