Omer Dilsoz

Lîsteya kandîtên HDP ên bo Hilbijartina GiÅŸtî ya Parlamentoya Tirkiyeyê hatin aÅŸkerekirin. Kî sil kî aÅŸ, lîste bi raya giÅŸtî re hat parvekirin û niha starta hilbijartinê hate dayîn.

HDP, partiyeke siyasî ye û li gorî qanûnên Dewleta Tirk hatiye damezrandin, ji ber hindê jî, normal e ku siyaseta xwe di vê çarçoveyê de bimeÅŸîne. Ev tê fêmkirin. Heman demê, HDP, baskê siyasî yê temsîla Tevgera Azadiya Kurdistanê ye, ji ber hindê jî, mîsyon û barê wê, bivê girantir û ji “partiyên heyî yên sistemê” cudatir e.

HDP, mecbûr e, heta radeyekê temsîla dengê doza kurdan bike û di baskê siyasî de temsîla Kurdistanê bike.

Ji ber hindê jî, ji bo HDP bikaribe bibe partiyeke Tirkiyeyî, mecbûr e, berî wê, bibe partiyeke Kurdistanî û hemû pêkhateyên kurd û Kurdistanî li xwe bihewîne.

Ji vî alî ve, tifaq û yekîtiya bi hêz û pêkhateyên kurdî re gelekî hêja û girîng e.

Îja Kurdistanîbûn çi ye? Pa Tirkiyeyîbûn çi ye?

Kurdistanîbûn: Di serî de ÅŸikandina qalikên siyaseteke berteng û îdeolojîk. Ji bo vê, di çarçoveya berjewendiyên civaka Kurdistanî de –di nav de hemû pêkhate, dîn, mezheb, nijad, etnîsîteyên vê civakê heyî- pêkhatineke Kurdistanî ava bibe. HDP'ê di vî warî de tifaqên qenc û bi xêra milletê kurd kirin.

Ligel vê, dema ev tifaq têne kirin, HDP, mecbûr e, hemû pêkhateyan bihewîne û demokrasiya navxweyî di civaka Kurdistanî de saz bike.

Heçî Tirkiyeyîbûn e, ew jî hiqûqa bi civaka Tirkiyeyê re û hiqûqa bi dewlet û desthilata Tirk re destnîÅŸan dike.

Ji bo vê, HDP, mecbûr e, bi hin partî, rêxistin, kesayetên pêÅŸçav ên Tirkiyeyî yên çepgir, sosyalîst, demokrat û mirovhez re –bi ÅŸertê ku doza Kurd û Kurdistanê qebûl bikin- tifaqê çêke.

Li ser vê mijarê, hewldanên baÅŸ hene û bi ya me, HDP vê gavê siyaseteke baÅŸ dimeÅŸîne.

Heta Kurdistanîbûn çênebe, tu wateya Tirkiyeyîbûn, cîhanîbûn, fezayîbûnê nîn e!...

Bêguman kêmasî hene û dê hebin, a girîng, bêyî ku zirarê bigihîne doza kurd û Kurdistanê, ev kêmasî bi mekanîzmayên navxweyî re bêne guftûgokirin û çare li nava malê bête peydakirin.

Tifaqên HDP'ê ser xêrê û pîroz bin, Xwedê bike, benda ji sedî 10'an derbas bikin û doza Kurdistanê bi rêbazên siyasî jî her bê meÅŸandin.

Lê divê em ji bîr nekin, Doza Kurdistanê doza girtina parlamenteran tenê nîn e, ev tenê milekî wê ye. Ev ji bo meÅŸrûbûna qada netewî û navneteweyî girîng e, lê a ji tevekê girîngtir, avakirina civaka Kurdistanî ya demokrat, serbixwe, azad û bi adan e.

Ji ber hindê, çûna meclisê tenê gavek e.

Divê em demokrasiyê di nava xwe de bi cih bikin, ev tifaq ne tenê di demên hilbijartinan de, di hemû jiyana civakê de serdest bibe.

Bila ser xêrê be!...  

omerdilsoz@yahoo.com

08.04.2015, Yuksekovahaber

**
Li ser hilbijartinê nûçe û nivîsên eleqedar:

- Li HDP'ya Sêrtê pîrozbahî dest pê kirin 

- Li ser lîsteya HDP'ê ya mebûsan hin kîte
- Vaye lîsteya berendamên HDP'ê yên mebûsiyê